小妹昨天正式返機場做兼職 . 過返從前既日子 , 早上 M 記作早餐 , 返公司 Check Duty , 做機 , 食午餐 , 再做機 , 再食晚餐 , 差不多十二點才到家 , 洗澡睡覺 . 跟以前一樣既生活 , 但就無左以前既怨氣 . 可能一至五都有充足睡眠 , 再加上做兼職無咩責任可言 , 亦唔擔心會被 MP Hold , 而且仲有星期日訓過飽 . 返左十二小時既小妹亦無以前咁殘同嚇人 , 看來當日決定係正確既 !
講返昨日既十二小時 , MP 希望小妹做多幾班機 Train Up 返自己 , 小妹感覺到未能得心應手 , 而且將幾個 System 攪埋一堆 , 真係嚇死同班機既舊同事 . 雖然如此 , 但小妹尋日真係玩得好開心 , 總覺得機場才是最適合小妹既地方 .
小妹做機時認識了好幾位新同事 , 看來他們沒有舊同事口中咁差 , 又或者小妹對人要求唔高 . 小妹問佢地點解會黎做地勤 , 佢地答案係有興趣 or Dream Work , 唉 ... 答案跟小妹當年入行差唔多 . 果然剛入行時係最有衝勁 , 不過小妹咁奈無返工 , 一星期先返一日 , 相信都會好有衝勁 , 哈哈 ... 期待每個星期六跟舊同事聚一聚 , 吹吹水 ~
沒有留言:
張貼留言