十萬個陌生

2010年10月17日下午3:18公開累積瀏覽 581 6                    

每日返工第一件事並唔係拍卡 , 須知小妹只係過客一個 , MP 大人並唔會多加留意 . 反而一返工就要攞返張 Flight Movement 以及 Check Duty . 做左咁多年 , 每次 Check Duty 就好似抽獎咁緊張 , 要知道 Duty 好與壞可會影響全日心情 !

GSD 無特別 , 經常做 , 只係唔知道公司又 handle 多左隻俄羅 B 航空 . 個刻好迷網 , 咩黎架 !??? 幸好同一隻機既同事全係 Senior , 小妹先可以咩都唔洗做 , 等人幫 . 講真 , 小妹對俄羅 B 航空少少認識都無 , 唔明 MP 點解要比小妹做 Key 位 ? 雖然每隻機既流程差唔多 , 但小妹真係 N 年無用過 BAB System ( 一套航空公司系統名稱 ) , 繼至夜航空關門大吉之後都無再用過 , 仲記得點用就假 .

最陌生不但係 BAB System , 仲有做 Delay 廣播 , 今時今日仲邊有人會做廣播 ? 全部用 MMCard , 登機廣播都仲記得點做 , Delay ... 大吉利是咩 ? 人家全是俄羅 B 人 , 小妹做個廣東話同英文有咩用 ?? 航空公司因無比錢買飛機油而 Delay 真係千古奇聞 , 所以平唔一定好係有原因架 .

完成依班機之後 , 小妹只能望住旁邊的某某大機 ( 原本小妹是做這航班 ) 嘆息 , 獨自回公司再 Check Duty . Service Pool 服務池 ( 有點似 Standby ) 唔陌生 , 但今次既工作就有點兒那個 , 入 Data + 聽電話 , 小妹今日真係一個地勤 ?? 點解今日做既野同平日一樣 ?? 又係 Excel ... 見到都煩 ! 係四個鐘既服務池時間裡 , 有一半時間係做文職工作 , 而另一半時間就係去左服務櫃台聽電話 .

Last Duty 接機 , 小妹都話什少接機經驗 , 基本上以前主要做大機及 Check in , 最近返黎越來越多奇怪 Duty , 如執文具 , 碎紙 , 影印 , 入 Data , 聽電話 ... 係一份咁親切既工作裡面 , 竟然做左咁多陌生既野 , 尋日究竟發生左咩事 ??
－－－－－－－－－－－－－－－－－－－－－－－－－－－－－－－－－
同場加插小事一件

本來小妹 Last duty 係負責做細機既 Controller . 由 46 號閘被改到火星接機 , 路程有多遠 , 時間有多趕 , 令小妹心情惡劣 ! 火星係一個上年年尾開始使用既客運大樓 , 位於禁區之內 . 火星主要負責處理細機 , 如 737 客機 . 火星位置偏遠 , 增加左 Offload 客既出現 ( 趕唔到飛機既人 , 原因唔識路 ) . 要去火星大樓首先要到禁區四樓 , 即過左移民局後會見到一部客 Lift , 到四樓再搵 510 閘口 , 旁邊有 Shuttle Bus Station , 上車直接到火星 .

小妹今次主要任務係以一人之力 , 帶領前往台中既 24 人以及前往台北既 34 人 , 仲有前往曼谷既 26 人抵達轉機處重新領取登機證 . 正如前段介紹去火星有幾遙遠 , 回程亦不容易 . 根據航空公司協議駁機時間唔夠一個鐘 , 行李分分鐘上唔到下隻機 , 問你死未 ? 在此勸大家一句 , 駁機時間最好預兩小時以上 , 要知道飛機雖然快 , 但唔一定準時 , 就算準時降落 , 都要時間碌過去泊機位 , 再等萬事俱備先開門 , 一開門唔等於你即刻出到飛機 , 要知道你前面會有幾十人阻住你既去路 . 總之一個鐘頭係唔夠架 , 唔好博呀 !

小妹自從入左機場工作之後 , 講野都大聲過人 . 帶咁多人去轉機 , 首先要搵領隊幫手 , 依八十人裡面原來係分為三個團 , 同領隊溝通好之後一起起行 , 我帶頭 , 領隊跟尾 . 到轉機處前絕對唔可以比團友去洗手間 , 一個話去就個個都要去 , 無論如何要阻止佢地 , 再迫佢地上 Shuttle Bus .
上車時企係門口話比團友聽 " 得一個站 jar ! 到站落車 ! 落車唔準走 , 企定定等我 ! " 到轉機處 , 數人頭 , 帶左 24 人既台中去 counter 先 , 因為佢地最趕時間 . 再帶 26 人既曼谷到 counter . 最後先帶 34 人既台北去 counter , 原因成團行李都出左問題 .
唔係間間航空公司都有協議 , 所以唔一定行李可以去到終點站 , 要留意 .該團有 16 件行李 , 全部只寄到香港 , 實質人地係香港轉機去台北 , 所以行李只到香港 , 你話有幾大問題 ? 要將所有行牌換返做去台北 , 講就易 , 做就難 . 首先要由 A 飛機搵出依 16 件行李再送去 B 公司 , B公司收到行李要再換行李牌 , 先再送上 B 飛機 . 幾百件行李搵 16 件 , 你搵比我睇 !
行李終於 OK , 小妹帶住依 34 人過保安檢查到樓上既 24 號閘口 . 都係個句 , 唔可以比團友走失 . 順利將團友帶到 24 號閘 , 佢地熱情咁多謝小妹幫助 , 那一刻小妹感受到久違了既成就感 , 亦衷心咁跟佢地一一道別 , 笑住咁返公司拍卡收工 .

舉手之勞卻幫到一大班轉機乘客 . 完成任務 , 見到乘客順利登機就發自內心既高興 . 依份工作不但能為小妹賺取金錢 , 亦可以幫到人 , 非常有意義 . 希望人人都做到 service straight from the heat !