西班牙的酒店 * 2016 ( 巴塞隆納及馬德里 )

16-26.01.2016

小地勤選酒店最重要係近地鐵站 , 之後先再睇價錢 , 再睇有無早餐 . 係歐洲玩 , 酒店包早餐就最好 , 食到飽先出發 , 心情會最好 . 
對西班牙的印象係很多平靚正的酒店以及套餐好平 !

Hotel EuroPark, Barcelona ( 2晚 * HKD 1200 , 包早餐 )

依間酒店平得黎都好近景點 , 3分鐘腳程就有個 M 站 , 行 15 分鐘左右就到聖家堂 , 基本上住係到用腳都可以行去大部份景點 . 附近仲有間大超市 , 樓下亦有好幾間小食店 .

Hotel Puerta de Toledo , Madrid ( 4 晚 * HKD 2000 , 包早餐 )

一出 M 就即刻見到 , 完全唔洗搵路 , 附近咩都無 , 係得依樣野差少少 . 有時晚上都係酒店樓下的餐廳食飯 .

Salles Hotel Pere IV , Barcelona ( 2 晚 * HKD 1200 , 包早餐 )

依間酒店既設施比較多 , 房間亦係咁多日內最大 , 亦好近地鐵站 . 不過我會建議 Hotel EuroPark , 因為佢位置比較好及熱鬧 .

西班牙的交通 * 2016 ( 巴塞隆納及馬德里 )

16-26.01.2016

小地勤今次成行 , 主因買到德國航莎的特價機票 , 約 HKD3300 一位 , 已包稅 .

小地勤好鐘意德國漢莎依間歐洲航空 , 主因以前我係 LH Team 既小地勤 . 終於有機會乘坐 A380 由香港出發 . 那些年 , 德航未有 A380 的 , 所以好期待有機會乘坐德仔的 A380.

雙層飛機 , 窗口位旁有 Locker 放行李 , 亦有幸坐到 Exit 位 . 十幾個鐘可以申直對腳係幸福事 .

13 個鐘 , 再加內陸機的 2 個幾鐘 , 要花 16 個鐘先到西班牙 . 全程 , 食 , 訓及睇劇 .

轉機時 , 參觀了德國的機場 , 四圍都係德航既標誌 .

亦有好多代表德國的 Display . 柏林圍牆呀 !

仲可以買到奧地利的 Mozart 朱古力 . 奧地利跟德國的 Munich 很近 .

係西班牙發現一件好奇特既事 . 巴塞隆納就會見到巴塞球隊 , 馬德里就只見到皇馬 .

機場等轉機 , 生活好悠閒 !

這是馬德里的車票 . T10 總共可以坐 10 次 M , 平均每程比一程一程咁買會平少少 , 不過用唔曬 10 次係無得退錢 , 所以自己計下點買票最抵 . 

T10 仲可以多人使用 . 起初小地勤以為 2 個人坐一程只需扣一次 , 原來係 2 個人就每程要扣兩次 . 差唔多離開西班牙 , 我地先發現真相 . 無意中坐左幾次霸皇車 ...

由馬德里機場到市區 , 不可以用 T10 .
如果由機場直買車票到市中心 ( 即機鐵連地鐵票 ) , 會比較貴 . 因此分開買一張 機鐵票 後 , 先再使用 T10 , 會平少少 .
 

由馬德里市區到 Segovia 睇百年水道 , 首先要坐 M 到 Moncloa 依個站先會搵到 La Sepulvedana 巴士 . 可以到櫃位買票 , 亦可以係自動售價機買 , 有英文的 , 很簡單 .

小地勤係櫃位買了來回票 , 買來回比較平 . 記住回程要攞住 Madrid - Monc - Segovia // Segovia - Madrid - Monc 依張票去換回程票 .

小地勤當時並不知道 , 到 1630 行完 Segovia 去換回程飛時 , 先發現 1700 及 1730 都無位 , 要坐 1800 既車 . 所以一到步就換定想要既時間會比較好 .

這是巴塞隆納的 T10 , 可以坐火車及 M , 亦可以由機場去市中心 . 不過用法比較麻煩 , 特點係平 .

巴塞隆納的國際航班停在 T1 . 所以到 T1 後要先坐免費的 Shuttle Bus 前往 T2 的火車站 .

再坐火車到 M 站轉 M 前往市中心 . 由 Shuttle Bus - 火車 - M , 一般花一小時才到市中心 , 價錢不用 2 歐 .

不過小地勤還是建議大家坐貴一點的 A 車前往市中心 , 才買 T10 使用 . A 車每程 5 歐左右 , 買來回好像平少少 , 約半個鐘就到 . A 車係 T1 及 T2 都有車 .

建議大家坐貴車係因為西班牙唔興英文 , 坐火車返機場時 , 小地勤就因為上錯火車 , 差點去唔到機場 . 好彩當日那架前往不知名小鎮的快車車長 , 中途緊急停車比我地落車 , 否則都返唔到香港 .

緊急落車後 , 發現原來有好多乘客跟我地一樣 , 好彩小地勤衝左去跟車上的查票員求救 . 明明寫明機場火車係 9-10 月台 , 突然有架不知明火車泊停 , 好多人都一起上車 . 咁就出事了 !

地圍係 A 車的職員送的 , 很精美 !

巴塞隆納*西班牙2016 (Day 8 - Barcelona 最後一日遊 )

24.01.2016

巴塞隆納市內有好多名建築師高迪的建築 , 這幾天都已經遇見了大部份 . 今日最後一日 , 無所事事決定到 Park Guell 公園的免費區域行下 .

網上見到有人介紹有兩個地鐵站近 Park Guell , 大部份人都會選擇由山下行上山腰的公園 , 而我地就預左迷路同探險 , 由山上行落去公園 .

其實由山上行落去應該無咁辛苦 , 一出車站就有路牌 , 印象中經過一條扶手電梯上去 , 再過對面見到一間教堂 , 再穿過一個露天停車場 .

露天停車場見到好多梅 , 好似係藍梅 .

依間屋既主人開住架 Audi 運木頭 ... 名車都只係用黎搬柴 .

山上看風光 , 可惜天氣不太好 . 遠遠地見到聖家堂 .

其實以前 Park Guell 係免費入場 , 但現在係巴塞隆納基本上係唔會再搵到免費入場既景點 . 現在出名既地方不但收入場費 , 而且仲有人潮管制 .

我地都只係想消磨時間 , 所以只行了免費區 . 值唔值得花錢入場 , 就要睇你自己本身有無興趣 , 坦白講興趣一般般 .

行完一圈 , 我地就一直行小店 , 買手信 . 沿途見到好多橙 ! 睇左好多間手信店終於買左 2 個門牌返香港 .

本身諗住坐 M 返去大街繼續 Hea , 但因時間真係太多 , 所以決定行一個鐘咁慢行過去 . 星期日大部份店都沒開 , 包括大型商場 , 名點 , 大市集 , 家樂福 ... 歐洲工作真幸福 !

係大街到有好多人表演 , 真係嚇死人 .

最後一日 , 盡買火腿 ! 金色的 , 好豪氣 .

一直都想搵機會係大街坐低食野 . 今日最後一日 , 一定要試下 .

西班牙食野真係好平 , 不過杯啤酒就貴左少少 , 8 歐一杯 !!

講緊食一個餐都只係 9 - 12 歐 . 西班牙飯加 Pizza .

星期日遇上了一個小型的 Sunday Market . 係一條橫街內 .

 

小地勤係到買左 2 樽唔同花既 Honey , 3 塊香皂以及 2 樽 Salt . 純天然及 Handmade 的 , 絕對值得買 !

咁就玩完咁多日 , 將手信送曬比人之前 , 都要影返張相比自己留念下 .