07.10.2019
十月的北海道 , 感覺跟香港冬天的氣溫差唔多 , 已經很冷 . 我們早上的行程係由酒店散步到北海道大學 . 聽聞每年十月 , 那邊的銀杏樹會換上金黃色的秋裝 .
由札幌 JR 站行去北海道大學約 20 分鐘路程 . 早上的陽光很溫暖 , 很適合散步 . 路上 , 我們遇上一班黃色帽的日本小朋友 , 他們也是跟老師過來散步 , 吸收新鮮空氣 .
一個遊客也沒有的北海道大學 , 原來距離銀杏盛開還有個多星期 . 沒金黃銀杏的銀杏大道 , 其實景色都唔錯 !
回頭返札幌站 , 再一條大直路咁向狸小路進發 . 明明已經影過依個塔無數次 , 但每次經過都仲係會影一下 .
推住 BB 車 , 依段路真心好行 , 但建議媽媽們一定要幫 BB 車加返個 Cover , 始終北海道的秋天跟香港冬天差唔多 , 用個 Cover 擋風又擋雨 .
由札幌站行 20 分鐘就會見到大大間激安之殿堂 , 代表到左狸小路 . 地面的路是很適合推 BB 車 , 不過要入商場就有點麻煩 , 很多樓梯位 . 計落都係沖繩那霸市比較好行 .
狸小路一段 , 過條馬路就係二條市場 . 最近覺得二條市場海鮮價位又平返 , 而且多左泰國團既出現 .
小地勤不吃生 , 所以我帶住 BB 係狸小路行下 . 北海道 , 我都自問去過十幾次 , 但就第一次唔開車 , 第一次可以係狸小路認真格下價 . 一條狸小路 , 起碼十幾間藥房 . 明明以前我好喜歡格價 , 人大了 , 原來開始厭麻煩 . 最後我去左一間餐廳坐底休息 .
午餐後 , 小地勤去左業務超市買野 . 去日本多了 , 慢慢就發現邊到買野先係平靚正 . 北海道出名哈密瓜 , 已經試過好幾次貴價款 , 覺得太甜了 . 還是喜歡超市買的平價貨 , 650 Yen 很不錯 .
下次大家見到業務超市 , 可以入去搵下平價野食 . 一到日本 , 小地勤把口就無停過 , 總係一包二包零食密密食 . 平日係香港 , 我唔點食零食的 , 怕熱氣上火 , 但一到日本就可以大解放 .
難得可以認真行狸小路 , 所以小地勤真係由頭行到落尾 . 行到落大雨 , 好彩狸小路係有瓦遮頭的 , 落雨都無問題 . 附近仲有 100 Yen 店 , 不過無升降機 , 唔太方便 . 我架戰車太大 , 一般扶手電梯有點窄 .
平時開車既旅程 , 我會帶輕便型的 BB 車 , 方便放係車內 . 無開車既日子就帶重型級 BB 車 , 用黎裝埋我既戰利品 .
傍晚 , 我們又慢慢行返去札幌站 . 遇上星戰展覽 , 爸爸唔肯走 ... ...
我總覺得日本咁多區域 , 但就北海道既拉麵最合我胃口 . 因此每次都會係北海道食返一 , 兩餐拉麵 . 最近酒店的拉麵 , 就係 ESTA 頂樓的拉麵共和國 , 又可以係果道幫 BB 影下相 , 又肯定有位比 BB 坐 .
BB 見到龍蝦拉麵 , 又開心到唱生日歌 . 小朋友的世界 , 很簡單 !
食完拉麵 , 我地就返酒店了 . 一入夜就很冷 . 晚上宵夜係二條市場買的蟹 , 很鮮甜 . 簡簡單單就一餐 , 無咩行程的旅行 , 先放鬆到 .
依隻蟹 6000 Yen , 好抵 ! 食左兩晚先食完 !
