11-12 Jan ( 訓多哈機場 )
由 Munich HBF 返機場 , 要坐 S 車 , 車程約 1 小時 .
有英文的 , 所以不難 , 一般只收 10 歐元以下的貨幣 . 小地勤要買的當然係 Single Ticket.
一個人 10.8 歐 .
5 個人以內 22.3 歐 , 但因為我地得兩個人 , 點計都係單買抵些 .
其實十點多少少就到左機場 , 首先要排好奈隊 Check-in , 而 Check-in Counter 要成十一點先開 . 歐洲人係唔會同你快 , 所以 Check-in 得好慢 . 今年 QR 好似轉左去另一個大樓 , 2013 年時仲用緊德航的 , 今年就唔知改用左邊間公司 . 今年依個大樓好殘舊 .
想退稅其實好花時間 , 排完 Check-in Counter 記住唔好寄左件行李 , 要同職員講你係要去退稅 . 職員會幫你件行李幫上行李帶 , 之後連埋登機證比返你 .
帶住 Passport , Boarding Pass 以及有行李帶的行李 ( 要退稅的物品 ) 再一次係海關到排隊 . Berlin 大部份有 Tax Refund 的商店只要買夠 25 歐就可要求退稅 . Salzburg 就要我地買夠 75 歐先有得退稅 . 商店會比一張 Tax Refund 收據及 Tax Refund Form 過你 , 記住填清楚所有資料 , 再將這些收據或表格交比海關蓋印 , 海關有機會要你打開行李比佢睇 , 所以唔可以 Check-in 件行李 .
海關今次正係問小地勤退稅物品係邊 , 小地勤指住個篋 , 佢就話 Good ! 就幫我蓋印 . 海關到有行李輸送帶 , 把有行李帶的行李放落去 , 行李就會自動送上你班機到 .
唔好以為比海關蓋左印同寄左行李就叫 OK . 你仲要去 Tax Refund Counter 退稅 , 每張收據既手續費係 3 歐完 , 但小地勤每張收據先退得 2 歐元 , 計返咪要倒貼 ? 傻的嗎 ? 因此決定 Visa 退稅 , 將所有收據連 Tax Refund Form 放入信封 , 再投入佢個信箱到先叫完成 , 攪左成兩個幾鐘都係得個吉 !
臨上機前 , 決定洗曬所有 Coins , 買左兩罐德國腸連芥末醬 , 約 17 歐 .
上到飛機 , 遲遲唔起飛 , 之後就話要 " Deicing " , 聽就聽過 , 但今次就真係第一次見 . 飛機結冰了 , 要溶冰先可以起飛 . 因為今日突然落大雪 .
上到飛機就係食同訓 . 今次終於唔洗坐壞位 ! 睇左套好似真人既叮噹 , 小時候 , 我係叫佢做叮噹架 ! 叮噹一直重覆咁幫大雄 , 好感人 .
咁多位公主裡面 , 我最鐘意睡公主 , 佢最靚 .
中學時最鐘意睇 Alice in wonderland 既書 . 仲記得那些年 , 係會展睇既第一套音樂劇亦係講依個故事 .
之後唔知睇咩好 , 唯有睇小 S ...
可以轉機舒展一下都幾好 , 坐咁奈都幾辛苦 . 準時到多哈 , 係機場過左 8 個鐘先等到返香港既唯一一班機 . 小地勤第一次係飛機到有想作嘔既感覺 , 接近香港既 3 個鐘 , 一直有氣流 , 搖呀搖 , 好辛苦 . 攪到無胃口食飛機餐 .
係依行做奈左 , 可能會有依行既氣質 , 返香港既航班上 , 空服都有問我地係邊間公司職員 , 都不停比野我地食 , 好似餵豬咁 , 哈哈 .
係今日 2 月 8 號 , 小地勤終於收到所有明信片 . 給大家欣賞下 .
10 Jan ( 住 Munich )
堅持每日都要食一餐好 , 係 Munich 既最後一日 , 小地勤選擇了好出名既 HB 啤酒館 .
其實佢唔太難搵到 , 就係市政廳後面 , 但沿路被太多小店吸引住 , 花左我地好多時間先黎到.
沒想到裡面係咁大間 , 亦無諗過係要自己搵位 , 有位就好坐啦 .
依間啤酒館大有歷史 , 好似仲有博物館比人參觀 , 但小地勤黎到時 , 已經肚餓到飛起 , 都無心情去睇博物館 .
其實依加先六點幾 , 但已經人頭湧湧 . 依到好有氣氛 , 侍應都穿傳統服裝 , 同網上見到既啤酒節會場好似 .
本 Menu 好靚 , 講真價錢同香港出外食飯差唔多 , 一餐半餐黎講都唔算貴 . 小地勤係貴賓室食左兩年白肉腸 , 真係見到都好驚 , 所以我同同事都無諗住試 .
網上話 Cola Mix 一定要試 , 話當中有少少啤酒 , 而小地勤係完全唔識飲酒 , 所以都只係建議同事試下 . 網上講既野係不可盡信 ! 原來人地係可樂 mix 橙汁囉 !
因為係台灣網站睇到 Cola Mix 係混左酒 , 所以小地勤就叫左杯 Coffee , 真係好後悔信錯台灣網 . 仲要係睇左幾個 blogger 都係話有酒精成份 , 又話入完有少少臉紅紅 . 究竟台灣網既資料係唔係互相抄襲架 ? 定真係親身感受過 ?
Order 左兩個餐 , 半隻燒春雞 + 酸酸地既薯蓉 , 超好味 ! 但可能因為食得太急 , 小地勤突然胃痛 ...
結果隻豬手我只係食左一啖就胃痛到唔想食 ... 迫同事自己一個食曬 , 飽到佢 , 哈哈 . 個汁係唔錯 , 但肉就乾左少少 , 我覺得隻雞比佢好食 . 旁邊個粒似薯仔既物體口感似糯米 , 我地每人試左小小就放棄左佢 .
依一餐食左 31.3 歐元 , 即每人 150 港元 , 其實算正常價位 . 大家下次都可以去啤酒館食佢個氣氛 .
依到咁有氣氛都係多得佢地 . 仍地既演奏令人好想跳舞 .
下次再有機會黎 Munich , 小地勤都要試飲 Cola Mix !!
10 Jan ( 住 Munich )
所有人黎依到 , 相信都係為左尋找迪士尼城堡的真身 . 由 Munich 每小時都有火車來 Fussen , 一班係直車 , 一班係要轉車 , 大家可以到 DB 火車網上搵最新資料 .
小地勤真的很喜歡坐火車 . 今日天氣很好 , 出現少見的陽光 , 氣溫回升了很多 , 雪都消失了 .
大部份人黎 Fussen 都只為去城堡 , 小地勤也不例外 . 巴士上下都人頭湧湧 , 因為巴士係跟火車時間 , 一小時先有一班 , 點都要迫到上車 ! 如果用的是拜仁邦票 , 就不用再買跟司機買巴士車票 .
從來沒諗過會有時間閒遊 Fussen 小鎮 , 所以很珍惜車上看風光 .
坐早左一班巴士返 Fussen . 這是由城堡返 Fussen 的巴士時間表 .
返到 Fussen 火車站先發現 , 接駁到的火車竟然唔係直車 , 因此決定等一小時後的那班直車 . 做就左閒遊 Fussen .
今日天氣真係好好 , Fussen 的天空 .
其實好想搵間 Coffee Shop 嘆茶 , 但同事想四圍行下 .
結果行左一圈都只間酒店 , Coffee Shop 同手信店 . 係依間近火車站既手信店內消磨曬所有時間 . 精品太靚 , 唔買都要睇下 . 最鐘意店內的 " 咕咕鐘 " , 個鐘聲音好好聽 .
今次坐的是雙職火車, 坐巴士鐘意坐上層 , 坐火車都要坐上層 .
買了一件 Macaron 做午餐 , 成隻手掌咁大 , 最重要係唔似香港食到既甜死人 . 依間做得好好食 . 其實之前小地勤都食過 , 所以今次又再買 . 一件 2.2 歐元 !
藍藍的天 , 綠柔柔的草地 , 好似夏天咁 . 估唔到今次歐遊遇到咁多唔同既景色 . 落雨 , 落雪 , 雪景 , 大太陽 , 陰天 . 其實都唔錯 .
話咁快又返到黎 Munich , 大家係唔係好好奇點解小地勤咁趕住返 Munich , 因為聽日就返香港 , 所以要趕返黎作最後衝刺 - Shopping 去 !
10 Jan ( 住 Munich )
2013 年的德國之旅 , 小地勤提到會再來遊 Fussen . 今次終於完成曬整個景區內我最想去的景點 - 舊天鵝堡及 Alpsee 湖 .
之前有跟這條五月柱子影相 . 原來這是背面 .
五月柱是巴伐利亞的鄉鎮城市非常重視的傳統文化之一 . 每個巴伐利亞城鎮將豎立五月柱當成一個重要的慶典儀式來看待 . 每個鄉鎮於五月一日當天豎起新的五月柱後 , 就由年輕男子徹夜不眠地守護著五月柱以免被鄰村偷走 . 如果真的被偷走的話 , 要以整車啤酒和食物去贖回來 . 這是小地勤在網上找到的資料 , 今次行程 , 我係同事既導遊 , 不但要帶路 , 仲要介紹 .
小山坡上的舊天鵝堡 .
我今次終於有時間上去打個轉看看 .
城堡下的小屋 .
小山坡上看小屋 .
行左一小段斜路 , 見到有間屋仔有人出出入入 , 所以好奇入左去睇下 .
原來係一間好簡約既教堂 .
好多路梯要行 .
回頭望 . 今日係行山日 , 好健康 .
其實只係打算上黎睇下 , 而無諗過要入去 . 依到最多人既地方係城堡旁既手信店 .
舊天鵝堡一角 :
從舊天鵝堡遙望去新天鵝堡 .
依座城堡好似我細個時畫既個種城堡 , 舊天鵝堡既外型走可愛路線 .
對比起新天鵝堡 , 依到遊客比較少及殘舊一點 .
免費開放既地方唔多 , 所以行左一圈就離開了 .
再回望一次舊天鵝堡 . 真係要講拜拜 !
一出城堡 , 沿住山路就黎到 Alpsee 湖 , 原來咁近 .
好大風 , 不過今日天氣真係好和暖 . 假如同事唔好成日影我最狼狽既一刻就好了 . 得依張相叫做見得下人 ...
終於行曬三個我最想去既景點 , 新 / 舊天鵝堡及 Alpsee . 相信 , 小地勤都唔會再黎第三次 Fussen 了 .
其實 Munich 周邊的國王湖真係好靚 , 大家有機會記住花時間過去走一轉 ! 這是 2013 年遊國王湖的相片 . 有機會的話 , 小地勤都想試下夏天黎睇下 , 相信會仲靚 .
