09-14.06.2019
5月是老公的生日月, 所以我們去了一轉北海道慶祝.
6月是小地勤的生日月, 所以我們決定去一轉名古屋. 由於公司沒有飛往名古屋的航班, 所以我們降落於大阪, 再開車前往.
我們坐9號零晨的航班, 早上5點就到達關西機場. 在飛機上, 小寶寶一如以往, 飲完奶奶, 乖乖訓覺. 怕他會耳仔痛, 所以奶咀, 零食跟身. 飛機厠所空間細, 而且長期排隊, 所以我準備了方便易穿的拉拉褲. 當空姐將燈光調暗時, 馬上換好. 小地勤已經有4次帶著BB去旅行的經驗, 架輕就熟!
第一日, 我們在機場等郵局跟租車公司開門. 要攞 ETC 卡. BB落機後, 一直在BB車訓覺, 我們亦爭取時間小睡了一會. 第一站是在機場附近的朝市吃早餐. 不要太大奇望, 沒有北海道的朝市那麼熱鬧.
由關西機場開車去名古屋, 接近 4 小時. 其實我們沒有計劃要去那裡, 但覺得中途應該要休息下. 因此我們來到忍者村觀光.
再順道遊覽上野城. 由於太遲來到依賀, 所以沒機會入城參觀, 亦錯過了忍者表演.
10.06.2019
下大雨, 天氣預告一星期都落雨, 唯有照去白川鄉.
道根神社最近好紅, 因為一個無名小池跟名畫太相似. 可惜雨太大, 都沒拍到好照片. 其實實景沒有相片那麼驚喜. 電話沒加效果也拍得好靚, 但實景不是這樣的.
超級大雨的白川鄉, 很可惜. 而且開車最麻煩是搵泊車的地方, 沒有找到停車場, 所以在白川鄉繞了兩個大圈, 就離開了.
來到飛驒高山, 可惜9成店都關門了, 果然早起的鳥兒才有虫吃. 下著微雨, 人去樓空的老街, 很安靜.
11.06.2019
名古屋的早餐文化. 來到酒店對面的咖啡店, 體驗下買咖啡送早餐. 我個人覺得唔算便宜. 40蚊杯咖啡, 送一個吃不飽的早餐. 睇落香港早餐抵吃一點.
沒做功課, 就會撞板. 維修中的名古屋城, 只好講一句 "有緣再會".
老公網上搵到桃太郎神社, 一個祈求小孩健康的地方, 相信所有爸媽都會衝過去拜一下.
回程時, 見到伏山城, 所以加插了依個景點. 山下亦有一條老街, 行了一圈, 就回名古屋.
大須商店街8點就開始關門, 我們7點多才來到, 都係個句, 感受下.
12.06.2019
再來一個早餐, 目的是等大須商店街開門.
網上看見很多人講到依間小店很特別, 好佩服別人可以搵到咁多特別之處. 可能小地勤唔係 Alice 迷, 所以看了一圈, 影了幾張相就去買和服. 這條街很多浴衣買. 小孩全套才2000YEN.
大須觀音寺. 白鴿太多, 其實好驚中雀屎.
由名古屋回到京都. 今年的千鳥居跟小地勤第一次來的時候, 分別太大, 由冷清變得非常熱鬧, 人貼人, 好似過年咁.
一直希望可以攻上頂, 可惜今年亦唔成功.
13.06.2019
晨咁早去奈威睇鹿仔. 我的小BB比媽媽厲害, 媽媽其實好驚動物. 佢地一堆咁跟住我, 因為架BB車有食物... ...
余市酒廠就去得多, 今次黎到山崎酒廠參觀. 比較之下, 余市勝出.
唔知點解突然講開要買綠茶做手信, 所以就黎左宇治買左包綠茶, 食左杯雪糕, 行左1個鐘就回酒店.
14.06.2019
因為唔想住係大阪, 覺得又貴, 房間亦比較細, 所以住左京都, 但要比多1600YEN當地稅 (2日個大人). 早上黎到網上話呃遊客既錦市場觀光下. 其實覺得價錢都好正常.
機場附近的 Outlet , 我無買到野. 覺得依個 Outlet 一般般, 可能落雨都無咩心機行街. 就這樣六日五夜, 都唔知自己去過咩地方咁. 哈哈.
