今日返 10:00 - 19:30 , 係依九個半鐘裡面 , 小妹究竟做左咩呢 ?
第一個 Duty 就係罰企三個鐘 , 企係航空公司櫃位等運到 , 運就等唔到 , Late Show 客就有兩個 , 真係跑死小妹 . 不過 , 依個 QQ 位的確唔錯 , 同個客去到老遠 , 嘩哈哈 ... 走完兩轉 , 就過左三個鐘 ! 正 ! 又係時候食飯啦 ! 好奈無飲過恆香餞既凍咖啡 , 諗都唔諗就一丁友上左去食飯 , 咁就白做左一個鐘 .
第二個 Duty 就係 " 服務池 " ( Service Pool ) , 全程游水 , 游左去吹水 . 同事 B 剛去完東歐 , 同事 E 打算明年亦去東歐打個轉 , 小妹最鐘意講旅遊經架啦 . 快樂不知時日過 , 咁就到左四點 , 係時候起行去 " 假老豆 " 閘口 .
今日 " 假老豆 " 超多客 , 因為飛左架 747 過黎 , 好奈無見過閘口有咁多人 ! 成二百幾客呀 ! 真係估佢唔到 ! 唔知係唔係上午既 Duty 太好 , " 假老豆 " 一做完就要負分鐘衝去四十幾位做印度五星航空 , 全程勁 Print 文件 , 基本上當小妹 Print 好文件送上飛機後 , 掃把已經話齊客 .
最後一個 Duty 係接星星航空 , 佢今日好唔乖 , 遲到呀 ! 唔通機長驚開得太快會嚇親列支登士敦皇子 ? 小妹第一次見到咁大年紀既皇子囉 ! 見完皇子 , 距離收工仲有十分鐘 , 公司已經搵人頂走小妹 .
機場人永遠要睇天氣食飯 , 天朗氣清果然係最好 ! 祈望天天天晴 ~
沒有留言:
張貼留言