首次東京。１月。２０１９年。秩父溫泉（Ｄａｙ３）

１２－１６。０１。２０１９

今日又係長車程。男人們要到秩父浸溫泉。

我以為我老公又跟朋友走左去，點知佢決定跟住我同ＢＢ四圍行。溫泉旁邊有很多餐廳，而且ＢＢ設備一流，又有熱水又有床，比香港方便十萬倍。

 

 

黎到秩父已經是中午，突然覺得東京有咁大嗎？後來先發現，我只係東京落機，一直都身處東區外圍。。。不是自己計劃的行程，感覺很悶。現在吃飯都要為ＢＢ著想，一定要有適合佢既食飯，就算ＢＢ吃飽了，佢見到我地食野，佢無份，佢會唔開心。佢點都要食少少，志在參與。

 



終於有一張一家三口既合照。

其實出面好靜，人影都唔多個。

車站附近先叫做比較旺一點。

 

睇個地圖，好似好多景點咁，但係天氣太凍，都無咩意慾四圍行。

留左係秩父大半日，傍晚又係去買ＢＢ物品。晚上，一班大男人幫我睇住ＢＢ，放我去酒店大浴場輕鬆下。個心太掛住個囝，浸左一陣間，食埋酒店個拉麵，就急急返房陪我個小寶寶。

男人門就出去食好野。。。我就只係睇相。。。

幸好我老公仲記得我，買左盒士多啤梨比我做宵夜。一月，士多啤梨當造，四圍都賣得好平。