首次東京。１月。２０１９年。雷門寺。台場高達（Ｄａｙ4）

１２－１６。０１。２０１９

小地勤對東京的認知只有雷門寺, 因為常常在Facebook見到同事Post大大個寫住雷門既燈籠. 小地勤對東京一直都不太感興趣, 所以都沒有做過任何資料搜集. 老實講, 人去我去, 去完今次, 都未必再有下次.

早上的第一個行程就係去雷門寺打卡. 原來係到可以遠觀埋晴空塔. 我與我的小情人深情對望. 由你出世個一刻起, 我眼中只有你. 對任何一個媽媽黎講, 孩子比自己的命更重要.

入廟拜神及祈福許願. 每人都求左一支籤. 之後係附近四圍影相.

一班中佬去旅行. 人生可以有幾多個十年. 兄弟十年情. 我老公成日笑話同依班朋友仲親過同自己細佬. 緣份就係咁奇妙.

有無人知道依個建築係咩名堂? 一舊金色既… 係個頂到. 好奇怪!

由於外面天氣實在太凍了, 大人們決定到商場 Shopping. 唔明點解, 依班男人咁鐘情夾公仔, 其實有咩咁好玩呢? 結果又係夾到一大舊公仔返黎, 攪到無啦啦多左一大箱野寄.

每次去日本, 都被迫去比卡超專門店觀光. 可能我老公都一樣覺得, 每次去日本, 都被迫去 BB 仔專門店觀光. 兩公婆就係要互杷忍讓.

晚上, 我們來到台場. 1 比 1 高達, 80後既回憶. 小地勤細個都有睇高達, 覺得以前既卡通及動畫好似比現在來的好睇.

當晚, 風很大, 超級凍, 影左幾張相, 就入返商場食飯. 其間, 遇上地震, 好似坐船咁. 當意識到地震時, 個心好驚, 雖然很輕微, 我先唔希望第一次去東京, 一家三口就咁拜拜左. 地震, 真係好可怕.