上年做四國資料搜集時 , 已經有諗過去道後溫泉觀光一下 .
每次旅行 , 都無買天書 , 每到一個地方就攞下地圖 , 小冊子 , 都應付到 .
由停車場行去溫泉街 , 沿路得幾間餐廳 , 見到個烏冬鍋幾百 Yen , 所以就決定今晚食依間 .
溫泉街都幾多遊客 , 算好熱鬧 , 都係賣手信 , 傳統野咁樣 , 見多左 , 都唔會好似以前咁 , 咩都好想買 .
亂咁行下 , 停下 , 影下相 , 就黎到道後溫泉 . 之前聽人講話千與千尋的湯婆婆油屋係以依到作為背景 .
難得可以搵到人幫我地影一家三口的合照 .
影完到此一遊照片 , 繼續四圍行下 , 原來依到同火之鳥套漫畫都有關係 . 真係估唔到依個地方比左咁多靈感唔同既人去創作 .
行返去溫泉街另一邊繼續觀光 .
又係四圍咁影下相 .
見到一架好古色古香既火車 , 又不停咁影 .
突然好多遊客圍住個鐘 , 因為有公仔轉出黎表演個種 , 其實好多地方都有類似 , 每次都係一堆人圍觀 .
有人力車體驗 .
有免費足湯 , 可能天氣熱 , 無咩人試 .
無所事事 , 影埋火車 . 其實今個行程都唔算好趕 , 幾輕鬆 .
傍晚 , 我們去剛剛睇中的金兵衛吃晚餐 . 咁就完成左今日既行程 .
沒有留言:
張貼留言