行程 : 余市蒸餾廠 - 名水公園 - 小樽 - 札幌狸小路 - 居心地 ( 晚飯 )
點解小地勤每次既行程都有余市 , 相信都唔洗多講 , 大家都會明白 .
奶奶話係日本正係睇過紅葉 , 未睇過櫻花 , 所以五月來北海道的另一好處係四圍都仲有櫻花 . 除左櫻花 , 鬱金香 , 葡公英 , 小白菊 , 野杜鵑 ... ... 全是剛開 , 開得好靚 ! 依到既蜜蜂身型可以用痴肥黎形容 , 絕對係香港蜜蜂既 2.5 倍大 .
依到既影相位有好幾個 , 而且放左腳架方便遊客影合照 . 今次依個位開曬花 , 影得特別好睇 .
依個酒廠每次黎都有少少唔同既野睇 , 因為每 Part 都係輪流開放的.
酒廠好大方 , 有免費試飲 , 除左酒 , 仲有果汁及茶 . 而想飲高級點既威士忌 , 可以去博物館到比錢買酒飲 .
每次都會黎依個位置影一張有日子既合照 . 雖然來過好多次 , 亦影過好多次 , 但都仲係重複住每次既指定動作 .
自駕遊好玩之處係路邊總有新驚喜 . 前往名水公園的路上 , 發現了我最愛吃的冬甩 , 仲換左鬆馳熊的保溫袋 . 之後又遇上一個小市集 , 買左超市沒見到的面豉 , 巨峰提子乾以及附近農場種的士多啤梨 .
繞左羊啼山一圈 , 又稱小富士山 , 終於再一次黎名水公園 .
小地勤老爺最近愛上攝影 ,我地兩個都好合作.好似影婚紗相咁.
上年來過一次 , 當時天氣不太好 . 今日天朗氣晴 , 影咩都靚 .
之前因為係 Google 睇到依張相 , 所以來了一轉 . 北海道 , 小地勤第六次來了 , 所以只帶家人到我個人推薦既地方 . 老爺奶奶不停讚我行程安排豐富 , 又話自駕遊比跟團好玩 , 才第二日 , 就 Mark 定我地下年再帶佢地玩多次 , 食水果 .
依到既雪山水真係好清新好飲 , 小地勤仲係到買左杯雪山水沖既咖啡 . 不過 , 一般好飲 , 淡了一點 .
對小地勤來說 , 來小樽 , 一定要參觀音樂盒堂本館 . 每次見到掛牆音樂盒都覺得好靚 .
我覺得依到好夢幻 , 亦好有聖誕氣氛 . 可能因為依到金光閃閃 , 每件物品都細細件 , 又不停播住叮叮噹噹既音樂 , 令我聯想到聖誕節 .
由二樓影落黎 , 真係好靚呀 ! 記住上二樓影相 .
記住跟門外的蒸汽鐘影相 , 剛剛好遇上佢出蒸汽 .
其實亮燈後先來影相比較靚 , 但好難就到個行程 , 無法 .
五月唔係哈密瓜當做既季節 . 對比上年加左價 . 其實買來比兩老影相用的 , 雪糕的味道不及我在 7 仔買到的好吃 !
今次係小樽遇到一間手信店 , 很多貨品都 100 Yen , 小地勤係到買左好多手信派人用 . 大部份都係 Made in Japan.
在狸小路關門前衝入去買零食 . 妹妹好鐘意的 Royce 朱古力以及超好味既小蛋糕 . 曾經 , 好鐘意食六花亭士多啤梨朱古力以及薯條三兄弟 , 不過食多了就想試下其他 .
居心地 , 每次都會來 , 喜歡佢個加加魚子飯 , 今次都有叫左一個比兩老試下 . 但近來熟食少左 , 可能都唔會再黎了 .
沒有留言:
張貼留言