小地勤近況

12.09.2015

最近好忙 , 除左工作之外 , 仲有要準備結婚.

工作方面 , 今年真係好差 , 每個月總有大半數日子遇到空管 . 報警都試過 , 仲要被個客玩左成 4 個鐘 , 佢稱得上係無賴 , 完全唔當香港警察係一回事 . 其實小地勤一直都好想寫依件事 , 但睇黎都唔方得閒再寫返 .

貴賓室不能咁發展緊 , 公司對我地班同事既 Service 好有信心 , 所以明眼人都睇到 , 成日會以我地個 Lounge 同 Service 做賣點 . 剛剛完成既 Skytrax 排名 , 國泰排名倒退了 , 仲要日日都上報咁 ... 公司就排位前左 , 亦繼續保持 4 粒星 . 最近個成績表終於出左 ( Skytrax 的報告 ) , 所有部門都 Keep 係 4 粒星 , 只有我地既 Service , 佢堅寫貴賓室職員 Service 好好 , 仲讚我地係成個 Ground Team 裡面最強既一部份 . 我地既 Service 得到 4.5 星 !! 大家都好鼓舞 !!

有睇開我日記的朋友 , 應該知道小地勤係 J 公司時 , 起碼超過 60 個徒弟仔 , 佢地大部份雖然都離開 J 公司了 , 但仍然留係地勤依行工作 , 好多都過左 CX 做 Senior 了 . 而同我同一公司的徒弟仔 , 好多都已經係 " 掃把 " . 以前 J 公司既上頭同我講 , 搵我帶徒弟 , 因為我 Nice , 唔會嚇走佢地 . 後來教多了 , 好明白一個道理 , 教人要用好多唔同既方法 . 如我常講 , 我唔要求人地去死背或強記 , 我只會教佢地去搵方法幫自己記 , 抄 Notes 隨身帶係最好既方法 .

平日 Lounge 既新同事 , 係唔會由我去教 . 一般正式落更就會開始拍住我 , 原因有二 . 一等我實戰咁教 , 二係盲算得我自己一個人 , 我都攪得掂 . 今次 , 小地勤正正式式咁去教一個同事 , 原因係 " 掃把 " 無其他選擇 . 小地勤要帶就只帶 leader 級的 , 那位準 leader 跟左我 3 日就落更 . 其實我都無點教佢野 , 只係講返比佢知 , 同事仔跟 leader 既分別 , 點樣做先得到民心 , 點樣做會激嬲個客 , 點樣做會令個客人覺得你有幫到佢 ... 當然佢係聰明同勇敢 , 學左技巧 , 但你唔敢攪 Complaint , 又點試到個方法得唔得 ? 落左更既佢 , 睇得出用緊我教既方法 , 雖然唔夠純熟 , 但相信好快依到又會多一個 " 正常 " 既 leader 仔 .

呀姐同掃把都好滿意小地勤今次用 3 日就教出一個唔錯既 leader . 其實我的確好識教人 , 原因係生活既背景 , 由細我就要教細佬妹做功課 , 大了又要教姪女們功課 , 係 J 公司時 , 公司亦比左好多機會我去教人 , 所以功多藝術 . 至於我想唔想教 , 就當然睇下個徒弟想唔想學 , 想學既我一定落力教 , 唔想學既咪放棄佢囉 .

明天 , 男友就會同我一起返屋企 " 過大禮 " . 其實我地想簡簡單單 , 旅行結婚 . 一直諗住過大禮只係比左錢就算 , 結果依加又禮盒又生果 ... 一直諗住下個月註冊完 , 大家食餐飯就算 , 結果係係會所包左個廳仔比兩家人食飯 ... 一直無諗住要擺酒 , 結果係去左 Panda Hotel 頂樓擺十圍 , 唯一堅持到係唔洗大攪 , 但睇黎都要整返條禮服裙去食飯 .

成件事都係由我未來老爺同奶奶負責 , 睇得出佢地有幾錫我男友同對我幾好 .