晨咁早起身 , 由酒店開左大半個鐘頭車黎到羊之丘展望台 ( 0118980456 ) .
依到係一個要比錢入場既公園 , 約 500 Yen 一位 , 不過值得的 !
黎到依到 , 當然要同依位大人物影返張到此一遊照 .
夏天時 , 聽聞依到有一大片薰衣草做背景 ! 小地勤 5 月黎到 , 就只有一大片草地同突然出現既羊咩咩 !
依個地方都有好多比人影到此一遊既角落 .
五月既北海道 , 櫻花盛開 !
樹上開滿花 , 地上亦係開滿花 !
依到有一間白色教堂 ( Blanc Birch ) , 內裡一直傳出陣陣鋼琴聲 .
教堂出面既小草地 , 水池同櫻花 .
大部份係到既建築物都可以參觀 . 去左奧地利館行左一轉 . 直上二樓買手信 . 款式好多 , 不過無得 Tax Free .
去返一樓食雪糕同飲野 , 可以去個洗手間同休息下 . 個雪糕好似 350 Yen . 罐飲品就唔記得幾錢 , 但過甜 .
休息完就係旁邊既冰雪節資料館參觀 .
北海道出名雪祭 , 所以入黎打個轉睇下 .
臨走前 , 小地勤試埋個免費足浴先走 , 所以話比錢入場 , 係值回票價 .
無人係到 , 我地包場 .
沒有留言:
張貼留言