北海道＊旭川/淹上町/紋別＊2017＊五月 - 紋別市 ( Day 2)

07-12.05.2017

係芝櫻公園攞左份地圖 , 有介紹紋別依個地方 . 其實紋別離札幌都好遠 , 既然順路 , 今次唔去一轉的話 , 將來未必會黎依個地方 .

由淹上町童畫村去紋別市約 1 小時車程 . 天氣不好 , 突然大風大雨 , 所以停下來吃飯 . 自駕遊真係好隨心而行 .

這個飯堂 , 人都無一個 , 太偏遠的地方 , 可以食得好地道 . 整張餐牌得元貝係有熟食 ... 980 Yen , 包一小碟前菜 , 蟹腳湯以及 10 粒大大粒既元貝飯 , 好抵食 !!

其餘幾位都係生食愛好者 ... 餸多過飯 , 沒期望過既飯堂 , 反而充滿驚喜 !!

紋別沿海邊有條步行道 , 如果天朗氣晴 , 落車行下應該會好舒服 . 紋別市既大蟹鉗 .

附近全是小商店 , 看似直售 , 當中乾元貝又大粒又比街外平 , 我奶奶買左 2 大盒返香港 . 我地係到亦買左今晚既宵夜 4600 Yen , 2 隻毛蟹 .

由紋別返旭川約兩小時多 , 返到去我地各自行街 . 遊客少既地方 , 我老公收獲特別多 . 7 點後 , 旭川市中心已經開始靜 , 專登行去旭川 JR 睇下 .

剛好遇上超市大特價 , 睇住佢貼折扣貼紙 , 好好玩 . 日本超市超有吸引力 , 每次入去話行一圈 , 結果無 1 , 2 個鐘都出唔返黎 . 買到好似開 Party 咁 . 簡簡單單又一餐 . 去北海道一定要自備交剪 , 隨時食蟹 , 哈哈 ~

北海道＊旭川/淹上町/紋別＊2017＊五月 - 芝櫻公園 ( Day 2)

07-12.05.2017

今日天陰陰 , 富良野又未到花期 , 見到酒店的宣傳單張 , 所以決定去淹上町看芝櫻 . 宣傳單張顯示芝櫻際的日子剛開始 , 當去一個新地方 , 有無花睇都會開心的 .

五月中的北海道山頭不但有積雪 , 而且更突然下雪 . 剛剛四月在札幌也有下微雪 , 不過下了一會就停了 . 今次的雪量比四月那次更多 , 下車不一會 , 就成頭雪了 . 大家都很興奮 .

五月正是北海道櫻花盛開的日子 , 四圍都會見到櫻花的踪影 . 這幾年的四月同五月 , 我都會跟老公到北海道旅行 , 淡季日子 , 機位不會太緊張 .

開車上芝櫻公園前 , 路過一個荒廢了的火車站 . 自駕遊的好處是隨時可以下車拍照 .

 

這位售票員正在訓覺 , 被我捉到了 , 哈哈 ... ...

火車頭跟路軌 , 好似去左台灣咁 , 台灣又係好多火車小鎮 .

好似話盛開既日子 , 每位要收 500 Yen , 但今日天氣又凍又落下 , 只係剛剛開始開 , 所以無人收我地錢 . 過左 2 日 , 我見同事 Post 出黎既相係盛開的芝櫻 ... 我唔好彩了 !

雖然無咩芝櫻 , 但櫻花就四圍都係 , 好過無 .

開得好小好小 , 不過都係個句 , 好過咩都無 .

北海道的五月其實仲好凍 , 要穿大褸 .

突然搵到個位置 , 開左一大片 , 好開心 . 如果可以配上藍天就更加好 .

遊完一轉 , 就落山了 , 試了期間限定的芝櫻雪糕 , 有點似藥水味 , 但尚可接受 .

 

每個地區都有一隻代表名物 .

北海道＊札幌/旭川＊2017＊五月 ( Day 1)

07-12.05.2017

上年答應老爺奶奶再去北海道玩 , 做就了第 7 次北海道之旅 . 坦白講 , 想去既景點都已經去過好幾次了 , 今次要再重新搵些新景點 , 又要吸引兼不重覆 , 真係諗爆左小地勤個腦 .

飛機比預定時間早左 45 分鐘 , 唔洗開心 , 因為早到左 , 無機位 , 結果都係準時出到去 . Halo , 小叮噹 ! 我們又見了 . 由於 OTS 沒有大車可以租 , 所以今次改租另一間公司 Budget . 貪平租 Klook wifi , 無留意到時間係 0630 - 2300 , 結果太早到香港機場 , 又要等 Klook 開門 , 又很不幸地飛機回程 Delay 到差唔多 0100/+ , 唯有 Whatsapp Klook 個邊 , 再放入回收箱 . 所以大家要留意 , 如果太早機的話 , 維訊雖然貴少少 , 但就 24 小時 .

星期日的札幌航班有兩班 , 中午 1400 左右就到新千歲機場 , 1600 左右就可以到札幌行下街 , 今晚住旭川的溫泉酒店 . 由札幌去旭川約 2 小時 , 所以先在札幌行下 . 為免重覆行程 , 今次去了一個連小地勤都未去過既商場 Sapporo Factory 行下 . 其中一邊仲保留住以前既外觀 , 好似係惜日既啤酒工廠 .

這個商場其實幾悶 , 仲要泊車要收錢 , 除非有消費 , 但要泊入商場 , 排曬長龍 , 所以就係街外比錢泊車 . 其實真係札幌 JR 站個頭比較熱鬧多野買 , 依個商場可去可不去 .

如果唔係遇上一個小型高達展覽 , 真係覺得既浪費時間又浪費泊車錢 .

上路前 , 先每人來一個 Pancake , 日本的 Pancake 既吸引又美味 . 款式超多 , 由 300-500 不定. 小地勤選了 410 Yen 的士多啤梨芝士蛋糕 Pancake , 約 HKD 28 .

在北海道自駕 , 非常推薦 ETC Card , Day Pass 價錢 , 去得遠 , 好抵用 . 全程都行收費高速公路 , ETC 全包 , 所以個半鐘就到左旭川 . 旭川 , 我黎過 2 次 , 今次就第一次投宿於此 . 貪佢便宜的溫泉酒店 , 比札幌平一百蚊一晚 .

只係無諗到貴位北海道第二大城市 , 竟然 9 點就咩都無 ... 老爺想食拉麵 , 酒店職員話附近得一間拉麵店於 8 點後仲開緊 ... 無選擇的情況下 , 照食 . 旭川拉麵聽聞好出名 , 味道唔錯 . 炸物亦超好味 . 價錢亦唔貴 . 食飽就返酒店浸溫泉 , 未試過 11 點會出現係日本酒店內, 難得的早睡早起 .

原本仲未諗好要去邊到 , 就係因為依張宣傳單張 , 所以我地聽日就會去睇芝櫻 !