11.02.2015
今日係沖繩南部地區玩 , 去左玉泉洞果個好似叫琉球王國既文化村到玩 . 其實琉球文化同中國既文化好相似 .
入園前 , 小地勤都習慣影一下個地圖 .
依個係玉泉洞個地圖 , 都影定 , 無壞 .
之後就當然係買票入場 . 一位 1240 Yen , 包入王國村及玉泉洞 . 再加多少少錢 , 就可以睇埋蛇 , 不過我無興趣 .
雖然依加仲係冬天 , 但沖繩都有成 19 度 , 仲好猛太陽 .
南國天氣真係好好 ! 花都開得特別靚 !
園裡路牌都好清晰 , 不過第一站係去食飯先 .
有座拜蛇的寺廟 , 裡面放左條蛇 , 唔知真定假 .
一早就諗定要黎依到食 1300 Yen 既自助午餐 .
佢安掛左我地坐係窗邊 .
有開胃前菜 .
有炸物 .
有素食 .
都有熱盤 .
甜品細細件 , 我全部都有試 .
不過佢既格局真係好似做旅行團生意咁 . 之後一大堆學生黎左 , 好采我地比佢早到 , 如果唔係應該無得慢慢諗食咩 , 而係要搶 !
