聖誕前夕

最近 , 同事瘋傳以下文章 .
http://hk.apple.nextmedia.com/realtime/news/20131216/52000115

小妹明白每行都有各自各的辛酸 . 這位作者說自己當了 42 年香港人 , 所以有資格寫出這樣的文章 . 不笑 ... 是罪過嗎 ?

每天天未亮 , 地勤就已經要上班去 . 公司不會因為閣下沒有巴士或要陪家人過節就讓飛機取消或遲飛 . 地勤沒有全數車錢津貼 , 打的返工是家常便飯 . 大時大節 , 人家去玩 , 我們卻要守在機場 . 很多人說 , 人工包了的 . 包了受氣嗎 !? 公司付錢給你加班 , 是天大恩典 .

說真 , 小妹才不想要 ! 一星期兩天列假 , 對地勤來說不是必然 , 工時每天超過十小時 , 卻是必然 . 受盡欺壓的一班工作人員 , 在普天同慶日子裡 , 不能與好友 , 家人慶祝 . 為機場正常運作默默付出 . 工時長 , 要受氣 , 公司流失量自然大 . 公司要賺到盡 , 沒花紅 , 沒加薪 , 地勤們付出的跟收入不成正比 , 試問如何笑得出 ?

作者看到機場職員沒歡笑 , 但有看到人家長期受壓 , 嚴重睡眠不足嗎 ? 看來這位當了 42 年香港人的作者 , 從沒當過低下層前線 . 老闆說話的口吻果然不同 ! 

---------------------------------------------------------------------

最近 , 遇到一單投訴 . 不如在這裡跟大家分享一下 .

某天有航班延誤了 . 有位中年男子跟同行一起要求在貴賓室休息 , 他們不是公司的金銀卡會員 , 也不是商務艙乘客 , 要入來休息 , 當然要付費 , 因為閭下張機票無包貴賓室 .

當中一位肯付錢 , 另一位卻不肯付 . 原因他為了坐得舒服一點已補錢坐第一行的長腳位 , 是當天航機沒商務位才害他買不到 , 所以是小妹公司問題 , 沒商務位提供 , 就要免費提供貴賓室 ... 這是什麼理論 . 最後 , 他堅衝入來 , 不離開 .

現在收到他的投訴 , 同一理由 , 再報上自己身份 , 香港第一任特首妹夫 , 經常遇習近平見面的國航董事長 . 投訴公司前線不讓他免費使用貴賓室及不知道他是誰 . 真好笑 ! 既然是大人物 , 難道付不起那 180 元嗎 ? 既然是大人物 , 在公眾地方 , 就可以大罵人家 ? 既然是大人物 , 那小妹一眾小市民不認得你 , 就是死罪了嗎 ?


地勤 , 每天面對如此麻煩的大客 , 聖誕節送你一頓大罵 , 那位當了 42 年的香港人 , 能否告訴小妹 . 小妹應該被一堆大客罵完全家後 , 離開工作岡位去休息時 , 沿路見到路人甲 , 也要開心地大笑嗎 ?

對不起 , 小妹是人 , 不是神 , 真的沒有如此高的 EQ !

自我介紹

每開一個新 Blog 都會介紹自己一次.

可惜 Jacso , 也玩完了 !

13.2.2014

一直以來都在 Yahoo blog 生活 , 現在回來 Jacso , 應該要再自我介一下 .

我不是空姐 , 我是一位地勤 . 大家雖然都是穿制服 , 但待遇卻大不同 . 別人一聽到當 " 空姐 " , 總覺得在天空工作是高人一等 . 聽到我當 " 地勤 " , 反應往往是 " 喔 ! " , 接住是 " 咁即係做咩 ? " 你看 ! 多大分別 , 哈哈 ...

04 年 , 畢業後的我呆了好一段日子 , 在東方日報看到機場保安公司請探熱員 , 就去見工了 , 結果當上 CS , 做了年半就轉出去當文員 . 那時候的機場還沒有 terminal 2 !

06 年 , 做了三個月文職 , 悶到發荒 , 就跟朋友一起去 J 公司見工 , 成功當上地勤 , 主要在 airside 工作 . 金融海潚後 , 公司人手過多 , 被轉到 landside 去 . 市道回復正常 , 開始兩邊跑 . 即是幫乘客在 counter check-in 完 , 再跑到閘口幫你地 " do " 登機證 , 當你地玩完返黎 , 又會再見到我接你地機 . 只差未上飛機做埋清潔及派餐 , 可以叫做半條龍服務 !

10 年 , 很多同事轉到大柴當地勤或轉去當空姐 , 我卻轉出去當接待員 . 當時 , J 公司問我有否興趣轉兼職 , 有空可以回來帶新同事 . 那一年半 , 生活很平衡 , 一至五當 HEA 爆的接待員 , 每星期回機場當一天地勤勞役自己 , 日子過得很精彩 !

11 年 , 聽聞 H 公司請地勤 , 打算玩大佢 , 有經驗者 12K 起跳 , 並且一星期必有兩日假期 , 對所有地勤來說簡直是優差 . 基本上 , 以我所知 , 一般新入職地勤全是底薪加津貼才有 8-9K , 12K 未計津貼 , 你話吸唔吸引 ? 結果我上當了 ...

第一班機 , 我才知道自己是 flight in-charge , 感到非常無奈 . 挑戰接著來 , 我被看中 , 不停被推上去 . 三個月後開始我的 duty desk 及 MP 生涯 . 由前線退到 office 迫同事仔 OT , 自己都開始討厭自己 . 捱到快一年 , 終於頂佢唔順 , 我只想做無憂累的散仔 , 而唔係迫人/點人的角色 .

12 年 , 決定唔做 . 被安排到貴賓室過傳說中的好日子 . 是我太黑吧 ! 休養半年後 , 公司看中貴賓室 , 決定大攪 , 我又開始忙碌地過日子 . 人生真係苦 ! 唉 ...

唯一苦中作樂的是 - 在真正的航空公司工作就擁有一折機票及特惠酒店 . 我公司每年會送 5 套免費來回的機票 , 基本上淡季出發未試過上唔到機 . 當然 , 可以去幾遠就要看你公司有咩 port 啦 ! 我公司 ? 全部大陸+東南亞 ! 歐洲 , 就要坐人地機 , 我已經試過 - standby 失敗 , 訓機場 ... 說真怕怕 !

地勤 , 的確是一份很不錯的工作 , 令我看到很多 , 學到很多 . 當中的辛酸也令我永遠難忘 , 想當地勤的 , 先看看我的日記吧 !
http://www.seewide.com/space-1379.html

地勤唔易做

24.1.2014
人係貪心既 , 今次得到過 , 下次必然會再要 . 人亦愛面子 , 跌左落地要拿返紮沙 , 投訴就係佢地既必殺計 !

上年年頭 , 我被某管理層投訴 , 結果有好一段日子 " 被人監視住 " , 感受到咩叫一沈百踩 . 根據 company policy , 任何人要帶 guest 都要事前通知以及得到呀總批准 . 管理層嘛 ! 帶 guest 來 , 我就係太直 , 問清楚才放行 , 結果被訓話 , 內容係 " 我明白同事咁做 , 問清楚係啱 , 但佢態度差 , 明知我係邊個都咁 , 相信佢對客既態度仲差 "

那件事過後 , 我明白到公司錢多 , 由佢 . 呀豬呀狗入黎唔比錢 , 我無必要出聲 . 自己公司既人都係咁 , 更何況 D 客 ?

最近 , 投訴我的那位管理層父母回家鄉 , 當然一句話就可以蓋過 company policy . 他人沒到 , 父母來到 , 搵著我吹水 . 我當時並唔知佢地身份 , 見佢係老人家 , 可能悶 , 就同佢講下笑 . 老人家不停讚我 " 嘴甜 , 很有趣 ! " 事後 , 我才知道佢地真正身份 . 諷刺吧 ! 個仔投訴我 , 老豆就表揚我 .

同一日 , 我又被另一位乘客投訴 . 理由係佢一行七人 , 只有六位係商務 , 另一位係佢助手 . 想買六送一 ! 我好想問 , 如果我去戲院睇戲 , 可唔可以比 6 個人錢 , 7 個人入去 . 最多其中一個人合埋眼 , 全程唔睇 ! 當然比我拒絕了 . 哈 ~ 預左好戲在後頭 , 佢見到我間 vip room 寫住 reserved , 要我比個間房佢地用 . 我當然拒絕 . 你明明見到被人 reserved 左 , 要我開比你 , 仲唔係有心難為我 ?

一個鐘之後 , 佢又走黎 , 話要投訴我 , 原因我專登唔比間房佢用 , 佢已經等左兩個鐘都唔見有人黎 , 所以係我問題 .  多合理既必殺技 ! 我心諗你黎左一個鐘 , 又知兩個鐘無人用 ? 我都唔係第一次比人投訴架啦 , 多一張唔多 , 少一張唔少 . 我今日有兩個選擇 .

一 , 唔放佢入去 , 大家有眼睇 , 食投訴 , 打 report .

二 , 放佢入去 , 叫呀總個 guest 死出去 . 少則被人監視住 , 好似年頭個件事咁 . 大則 , 呀總同你講 " 你 , 明天不用來上班 , 我說的 ! "

我很明智吧 ! 選了 " 一 "

黑開有條路 , 熟客仔又黎啦 ! 熟客仔一向都有少少煩 , 但未至於令我討厭到想用大巴車佢 . 但事緣某次 , 同事好好 service 到幫佢免費 upgrade , 其餘同事就惡夢開始 ! 得過一次 , 次次都要 ! 有一次 , 班機無 overbook , upgrade 唔到佢 , 又出必殺技 . 之後到我撞到佢 , 佢話佢個朋友想轉到 12 點鐘機 , 我一 check system 就知佢想玩野 . 我地當時 booking 2 / 286 , 原因之前打風 , 積左好多走唔到既乘客 , 而飛機只有 24 / 259 , 已經要問 / 迫其他客坐下班機 , 但因為同事出錯 , 唔洗佢 standby 就上到機 , 仲得一想二 .

我明知無可能 , 都做場戲幫佢問 , 再話個實況佢聽 , 結果又係投訴 . 投訴我幫佢問野時講 " 廣東話 " . 真係想爆粗 , 全心玩野 , 大中國主義到嚇死人 ! 有邊個香港人唔係用廣東話溝通 ? 你講國語 , 我同你講廣東話就話投訴姐 , 都費事采佢 . 我當時笑笑口講句唔好意思就打發佢走 .

過左陣 , 佢又攪我 , 問我上次唔 upgrade 佢 , 佢寫個張投訴信去左邊 . 原來佢有心玩我上次個同事 , 而又以為我係佢 , 想玩野 ! 我答 , 我好奈無見過你 , 佢話我講大話 , 我又答我放左兩星期大假 . 佢望多我幾眼 , 之後就話認錯人 . 最後 , 投訴我講廣東話張投訴信 , 佢無比我 .

依件事話我知 , 熟客仔有排玩我個同事 , 擺明玩針對 , 但 upgrade 唔到佢 , 係同事既錯嗎 ? 我已經通知左上級 , 以後 , 所有航班 flight full 都唔會 upgrade 佢 ! 之前同事真係好心做壞事 !

reject 又死 , 唔 reject 又死 ! 依加既客 , 比航空公司養惡曬 . 公司自己攞黎 , 怨不得人 , 但就累及前線員工日日收投訴 . 公司永遠一句 , 你識講野個客咪唔投訴囉 , 我唔洗個客比錢 , 免費請佢坐飛機 , 可能佢就唔投訴我囉 ! 講廢話 !

地勤 , 的確是一份很不錯的工作 , 令我看到很多 , 學到很多 . 當中的辛酸也令我永遠難忘 , 想當地勤的 , 先看看我的日記吧 !
http://www.seewide.com/space-1379.html

VIP 新定義

29.12.2013
以前總以為好有錢既人 , 又或者同公司有大合作的大公司高層 , 再唔係就應該出名到所有人都認識既先稱得上叫 VIP .

事實上呢 ? 我公司既 VIP 完全無樣睇 .

那些自稱 " 你老闆 " 既人 , 永遠唔會係出糧比你個位 , 可能只係一個高級過你既人而已 ! 
前幾日 , 有位全世界都唔識佢既 VIP 出現 . 又係一 D 貴格都無 , 只係似普通師奶咁款 . 口氣大到嚇死人 . 聽完佢發表偉論後 , 終於令我想起佢 . 哈哈 ... 
佢就係 " 老闆 " 個大學老師 . 明白嗎 ? 同高層有關既所有人都會自動成為 VIP . 點記呀 ?

再誇張既常客 VIP , 真係笑死人 . 她們全是女人 , 全是某某老闆的秘密情人. 以前看過一本書 , 女人想發達 , 係一件好簡單既事 , 只要攪得掂一個有錢既男人 , 而你又唔介意做佢背後既女人就 OK 架啦 ! 現實的確如此 , 我每日見到某些樣子普通 的 VIP , 她的一個手袋 , 可以係你一年人工 , 依個世界點解可以係咁 ? 不過 , 人地打得依份工 , 都有付出 . 自己學唔到人 , 係會想怨幾句架啦 ...

今天 , 又遇到一位機票不包貴賓室服務 , 但自稱係 " 你老闆 " 既 " 老闆 " . 眼長在頭上 , 真的很討厭 . 最後 , 我想起他了 , 他就是日本站的 " 站長 " . 其實 , 他都只係你的同事 , 但口氣卻可以如此 . 本來很生氣的 , 但後來我想通了 . 公司文化就係咁 . 要改下自己太直既脾氣 , 學習 " 同化 " !

過幾日 , 又有 VIP 出現 , 今次是的秘密情人的工人, 已經通天 , 要提供 VIP 服務 .

地勤 ... 不及人家的菲傭 ... 跟到好碼頭的確唔同 D !

一個可悲的事實

27.12.2013
今日在 facebook 上看到一位於機場工作了二十三年的同事 , 因一時疏忽 , 被舊公司炒魷魚 . 他在 facebook 上所寫的一段說話引起了很多機場同事的回響 . 
有一位同事說 : 你永遠是屬於機場 
又有一位同事說 : 無論你之前建了多少功勞 , 公司只會記得今天的過錯 , 二十三年 !? 算什麼 ? 大家都只是公司的一粒棋子 ! 
我 , 很想說一些安慰的話 , 但真的說不出口 . 二十三年 , 這位同事真的很厲害 , 他的經驗幫助過剛成為 in-charge 的我 . 他令我的多數航班準時起飛 , 幫助過我處理機上的攪事分子 , 強調這不是他的工作 , 只是出於好心 . 我常常在想 , 我會在這間公司做下去嗎 ? 
辛苦 , 大怨氣 , 沒有 support , 只會不停加重你的工作 , 簡直是要把你對工作的熱誠完完全全地磨去為至 . 從前 , 很期待每星期的一兩天兼職工作 , 總覺得機場上班才是最適合自己的 . 
現在 , 我每天上班只想等下班 . 由熱愛這份工作改變為只把它當做一份工作 . 
被炒 , 可能是一種幸運 ! 自己不會親手結束這份工作 , 因為總有一千個理由讓你留下 , 說到底就是真心真心的愛上這份工作 , 平日只是口是心非 . 
同事 , 公司結束你 , 對你來說可能是一種解脫 ! 不要為此而感到不高與 , 好好地去享受那二十三年裡被公司佔去了的非人生活 ... 
外面的好工多的事 ! 祝你早日找到新工作 , 重新開始 !

黑到無朋友

一向同事都唔鐘意拍我返工 , 因為我超級 "野" 客 . 一有我返工既日子 , 客數就會增加 . 同事成日叫我 Resign , 改去開舖 , 生得一副 "旺客" 相 , 真係好辛苦 . 做到無停手 !

最近 , 同事們很健康 , 都自廌返夜 , 想跑步 Keep Fit 喎 . 令我三份二時間返早 . 返早收早 , 其實幾好 , 忙係忙少少 , 但就可以準時收工 .

對上一次返夜 , 仲行緊夏令時間 , Last Flight 飛 0205 , 最快都要等到 0125 先可以收工 , 返到屋企快極都要 0230 , 車錢平極都要 160 蚊 ... 知道咩叫白打工嗎 ? 160 蚊車錢 , 我要先打的出荃灣再轉巴士 , 這是我想到最平而最快的方法 . 有時 , 真係連踩幾日 , 頂唔順 , 就一程的士返屋企 , 多謝 240 蚊 . 我一小時先得七十幾蚊 , OT 2 小時得到 150 左右 , 連公司津貼 100 蚊 .

OT 2 小時的結果是賺唔到十蚊 !!!! ( 依個時候就會後悔 , 以前點解唔去考 Crew , 最少可以有全數的士錢 )

白打工都唔係重點 , 我 "野" 客兼 "黑仔" , 冬令時間上個月 27 號生效 , 收工時間改為 0005 . 我呢 ? 我返夜返到 26 號 , 晚晚都係 0130 先收工 . 最近幾日 Last Flight 被取消了 , 同事改到 2305 收工 ... 超級夢幻的收工時間 !

結果 , 輪到我返夜 ... 返工前收到通知 Last Flight 出現返 , 不打緊 0005 收工 , 我都接受 ...

結果係 Last Flight 時間突改 ... 改到 0205 ... 代表我返工返早左 , 收工照收 0130 ... 唔通 , 連隻飛機都唔鐘意我 ?

人命算什麼 ?

Aug 8, 2013 9:18 PMPublicPageviews 914 4             

某天上早班 , 在車站遇某睇機 , 她告訴我一件真人真事 .

早幾天前往福州的航班 , 聽說因天氣關係 Delay 到第二天早上 , 結果有孕婦因激動而流產了 . 每個同事都為此而感到難過 , 傷心 . 之後 , 我四出打探 , 事實係機口同事一早發現她作小產 , 即刻 Call 白車 , 但婦人卻拒絕上白車 . 因為她跟她老公正在要求地勤為 Delay 賠償 . 不賠償 , 不會上白車呀 !

事後小孩沒了 , 他們要求公司賠償五十萬 , 更向傳媒披露女乘客未 Cheack in 前已作小產 , 但他們趕回家 , 所以沒有跟 Counter 同事說 , 一心打算照上飛機 . 究竟佢地有無想過萬一在飛機上先出事 , 細既保唔到 , 大既都分分鐘都保唔住 ! 到時飛機飛到一半 , 返黎香港好 , 定緊急降落好 ? 本來唔 Delay 都因為佢而 Delay , 到時公司係唔係問佢要返五十萬 ?

仲有 , 未出世既 BB 都係人 ! 流緊血都唔肯上白車 , 係都要攞左賠償先 , 都唔知依對大陸夫婦諗咩 !

成日聽到同事講 , 細細個既大陸小朋友見到公司飛機遲少少登機 , 就即刻問賠償 . 佢地究竟係旅行尋開心 , 定一心想 Delay , 要賠償 ? 我公司一向出名 Delay 嚴重 , 原因有三 . 一 , 飛機唔夠 . 二 , 人手不足 . 三 , 大陸 ATC Hold . 每次都聽到乘客講 , 下次唔再坐 , 結果就成日見到佢 , 無它 , 我地全城至平 .

世界上邊有咁著數 ? 又平又正 ! 人地魚翅航空 , 出名準時 , 機票價格企硬 . 我地出名遲 , 但機票平 . 咁遲左去目的地 , 又可以怪誰 ? BB 流產航班 , 有兩名地勤被打 . 地勤也是人 . 打份工 , Delay 係公司問題 , 唔好咁野蠻好 . 香港 ... 可以文明幾奈 ? 真的要同化了 . 上海地勤被人打到腦震盪 , 現在文化要傳來香港嗎 ?

台灣同事說 , 台灣報章叫我地學泳春 , 免被客打 . 唉 ... 同化 , 同化 ... 不同化 , 就不能在航空界生存 .