整個早上都在動物園閒逛 , 到中午先有時間行去旁邊的姬路城參觀 . 上年 , 我們只在門外拍照 , 一心留待今年先帶埋 BB 一起入場參觀 .
姬路城真係小地勤暫時係日本見過最壯觀既城 , 白色的 , 好靚 . 怪不得被譽為日本第一名城 . 的確係一個不能錯過的景點 .
姬路城佔地很廣 , 要入城之前 , 先要行一大段路 . 來到售票處 , 先知道這個地方不可以推 BB 車 , 心裡涼了一下 , 但當時還沒意識到這座城有幾難行 .
天真的我 , 初頭還以為只是少少斜路 , 難我唔到 . 你睇 , 起初 , 我仲笑得出 .
初段都未入城 , 仲好興奮咁四圍影相 . 為左今次行程 , 我專登著波鞋的 . 平日我真係唔會著波鞋 .
都係個句 , 個城好靚 , 點影都係靚 , 依 1000 Yen 入場費抵比的 , 行極都仲係外圍 , 地方真係好大 .
天氣很熱 , 路面雖然平 , 但一直上山 , 有點斜 , 很吃力 . 再加上 100 磅的我 , 仲要孭住一個 20 幾磅既 BB 上山 , 平日不做運動的我 , 的確喘曬氣 .
入城既門開始越黎越細同越黎越窄 , 由於遊客很多 , 很多時 , 小地勤都不小心撞到別人 , 幸好都得到別人體諒 , 仲同我用日文講 " 加油 " . 沿路只有我一個孭住 BB , 睇到我咁細粒 , 都覺得我辛苦 . 無奈 BB 係動物園玩得太開心 , 完全無電 , 訓覺只肯跟媽媽 , 爸爸想幫都幫唔到 .
為左保護依座城 , 入城係要除鞋 . 老實講 , 赤腳行 , 對腳受力仲大 , 超級攰 . 一個普通人行上姬路城頂 , 要經過 75 度角到 90 度角又窄又斜既樓梯 , 有時仲會有野頂頭 , 你能想像到我仲要前面抱住個大冬瓜 , 又驚撞到佢 , 又驚自己差錯腳 , 後面又好多人比緊壓力我 , 原來做人呀媽真係不容易 .
每行一層 , 我都要停下來 , 坐一下 , 回下氣 , 終於 BB 訓醒 , 我可以放底佢一陣 .
但因為樓梯真係好斜 , 而我 BB 最近先學識行樓梯 , 根本無可能比佢自己慢慢行上去 , 因此都係由我繼續孭住佢攻上頂 , 沿路係人貼人的 , 所以唔好問我風景靚唔靚 , 我正係想快 D 行完出返去 .
呀仔呀仔 , 將來你睇返 D 相 , 要記住我有幾偉大 , 孭住你 , 妝都溶埋 , 先上到頂的 .
落樓梯就要交比佢爸爸 , 因為太高 , 小地勤開始畏高 , 我自己要慢慢爬返落黎 , 老公都唔知可以救得邊個 . 做人呀媽 , 真係好偉大 . 當時我係同老公講 " 你睇實個仔 , 唔洗理我架啦 " .
終於左迫右迫下 , 返到地面 . 姬路城外觀很美 , 但入去行一圈 , 真係好攰好想放棄 . 不過一個咁出名既景點 , 總不能只在外面打個卡就算吧 . 有一次 , 就夠了 !
