沒錯 , 小地勤又再一次帶住 BB 去旅行 , 轉眼間 , 已經係我地第 4 次跟 BB 去日本了 . 我們今次的行程是非常瘋狂 , 目的係去每個地方跟 BB 合照 , 有點無聊的做法 , 但這是我們一家三口的共同回憶 , 人生 , 總係要瘋狂一下 .
小地勤 , 唔會建議其他家庭跟我地一樣瘋狂 , 作為媽媽 , 相信大家對自己 BB 既情況係最清楚 . 小地勤個囝囝天生就比較隋和 , 而且適應能力好強 , 所以小地勤先咁夠膽成日帶佢四圍去 . 他是一個好乖 , 好少哭鬧的小 BB . 唔知道邊個教佢 , 好少用哭鬧去引人注意 , 佢通常為左達到目的 , 只會對住你卡卡笑 , 等你心甘情願去幫佢完成任務 . 一個好攻心計既 BB !
講返今次既行程有幾咁瘋狂 , 車手得一位 , 就係小地勤老公 . 我地帶埋老爺奶奶一起去玩 , 每年指定動作 -- 北海道食蟹 . 可能今年會係最後一次 , 所以原諒我地既瘋狂行為吧 !
千歲-函館-旭川-札幌-千歲 , 七日六夜 , 開左 1800 公里 ! 打破我地以前既紀錄 . 老公話 , 如果花花航空仲捱得住 , 不如年尾開到最北既稚內 , 再經網走去帶廣 , 真心期待 .
因為 OTS 租大車真心貴 , 老爺又唔肯自己開一駕細車 , 開 2 架細車 , 平過租一架大車 , 所以今次我地租另一公司 Budget . 其實香港人 , 真係好醒目 , 係車公司遇到的全是香港人 .
18 號
10 點飛機 , 日本時間 4 點 ( 香港時間 3 點 ) 就抵達新千歲機場 . 攪到 6 點先攞到架車 , 酒店晚上 11 點半後沒有 Check-In 服務 , 趕到我地死 . 當然我地唔係第一次由機場去函館 , 行高速不停站 , 不用 4 小時 .
19號
朝市食早餐 , 酌墨魚 , 指定動作 .
路經牧場 , 食雪糕 .
間歇泉公園溫泉蒸及足湯 , 一個比較少人會去既景點 .
大沼國定公園散步同打卡 .
20號
海中溫泉 , 難能可貴 ! 潮退先能夠遇上 , 大自然 , 好奇妙 !
惠山火山口遠觀 , 參加惠山杜鵑花節 , 盛開的杜鵑 , 火艷的惠山 .
函館打卡景點 , 五稜郭公園 , 今年天氣非常暖和 , 櫻花早早謝了 .
21號
離開函館前往旭川 , 5 個小時的車程 . 食多次函館小丑漢堡 , 要食到唔會再心掛掛為此 .
登別打卡 , 休息散步一下 .
22號
青池 , 打卡 . 原來小地勤已經黎過 4 次 . 拍拖時 , 結婚後 , 帶家人再來 , 今次帶多左個小朋友 . 由 2 人組合 , 成為 3 人小家庭 . 唔鬧交時 , 其實都好幸福 .
旭山動物園 , 睇企鵝 . 水中隧道 , 我睇到你對眼仔碌到好大咁四圍搵企鵝 . 帶你去旅行 , 見識世界是正確的 !
23號
余市 , 由無人會去 , 到現在人山人海 . 未飲先醉 B !
老爺奶奶叫小地勤搵些未去過既景點 , 神威岬 . 山頭一片金黃 , 可惜風太大 , 無得衝去女人敢地觀光下 !
小樽運河 , 小地勤的小樽 , 永遠係人影都唔多個 , 因為已經入夜 , 商店都關門 , 遊客都無個 .
24號
今年依段時間好多慶典 , 難得可以唔洗趕行程 , 邊行邊食 . 大通公園 - 拉麵際 , 紫丁香際 .
媽媽的年代係叫靜儀 , BB 的年代係叫靜香 . 生日快樂 ! 新千歲機場 .
機場內的叮噹主題兒童樂園 . 看到你忙碌地玩 , 很開心 . 童年 , 係應該得玩同笑 .
當你係一埋野發現我偷看你 , 你笑到卡卡聲 . 媽媽眼中的你 , 永遠都係咁可愛 .
七日北海道 , 轉眼完結 . 兩星期後 , 我們一家又再出發 - 名古屋 !! 帶著 BB 去旅行 , 真的又攰又開心 .
