南京四日三夜之旅＊FEB2017 ( Day 3-南京大屠殺紀念館 )

12-15.02.2017

本身 , 我並唔想黎依個景點 , 因為覺得依段歷史太悲慘 , 太沈重 , 但每個同事都建議我 , 難得黎到就入去打個圈睇一下 . 估唔到兩位團友對依個景點特別感興趣 , 佢地逗留左好奈 .

裡面既氣氛令人好緊張 , 除左相片同骨頭外 , 仲有不停傳出既警報聲及爆炸聲音 . 但同事的確無推介錯 , 作為一個中國人係應該知道依段歷史 , 世界和平真係得來不易 .

附近有一個打開門不收費的博物館 , 所以就順路入去行下 , 睇刺繡 .

下一站就來到南京博物館 , 參觀前先到對面的小店吃飯 , 很不錯 , 所以晚餐都在這裡解決 .

南京四日三夜之旅＊FEB2017 ( Day 2-玄武湖 / 泰淮風光 )

12-15.02.2017

如果香港都有咁大個公園就好了 !

我應該算幸運的 , 當別人話南京 2 月凍到飛起 , 我的南京卻是陽光充足加溫暖 , 而且四圍開始開花 .

南京城牆 , 好彩無比錢入去 , 原來都可以免費近觀 .

風和日麗的中午 , 食飽就行公園散步 , 沿住個湖行下又坐下 , 漫活的人生真好 !

下午我地去左另一景點 , 欣賞古泰淮風光 . 老實講 , 我對南京既歷史認識得唔深 , 雖然我係文科出聲 , 但工作後 , 所有知識都還返比老師了 , 哈哈 ... 不過唔緊要的 , 我都只係想係我人生中再加多一個新地方 , 次次都日本 , 你唔悶 , 我都悶 !

其實依到好古色古香 , 好多遊客 , 係一個好有特色既步行街 . 推介大家黎依到行一行 , 感受一下 .

讀唔成書既小地勤 , 都想沾一下狀元既氣息 .

烏衣行首詩我都仲記得 , 朱雀橋邊野草花 , 烏衣巷口夕陽斜 , 舊時王謝堂前燕 , 飛入尋常百姓家 . 小時候 , 我好喜歡唐詩及宋詞 . 估唔到大個左 , 竟然有機會黎朝聖一下 .

 

亮燈後更古色古香 .

晚飯又係食南京大排檔 , 貪佢四圍都有 . 今次試左幾個甜點 , 都不錯吃 .

南京四日三夜之旅＊FEB2017 ( Day 2-雞嗚寺 )

12-15.02.2017

我的兩位團友是老一輩迷信加傳統既中國人 , 喜歡拜神 .

所以帶佢地黎雞嗚寺 , 拜神祈福行大運 .

坐地鐵 3 號線直接到雞嗚寺站 .

入廟拜神先要買門票 . 門票 10 蚊一位 , 換來每人 3 支香 .

我呀媽一支箭咁衝上去拜神 , 我就四圍咁影相同參觀 . 依個寺廟歷史悠久 , 香火鼎盛 , 有 "南朝第一寺 " 的美譽 .

四圍都古色古香 . 每個燈籠都有價有市 , 密麻麻 , 真係好多善信來祈福 .

網上話 " 新白娘子傳奇 " 曾來到此寺借用藥師佛塔來頂替當時正在維修的雷峰塔.

有話圍住個塔行一圈會帶來好運 .

 

每個地方都總有一個幸福的許願鐘 .

難得的合照 . 路人甲算影得不錯了 . 你睇 , 我兩位團友幾開心 !

逗留左 2 個鐘 , 又到午餐時間 . 係寺內食齋菜 . 每款 20-40 蚊不等 .

遠觀南京圍牆 . 寺廟與城牆相連 , 每位好似 35 蚊 , 但時間關係 , 我地放棄左依個行程 .