南京四日三夜之旅＊FEB2017 ( Day 2-玄武湖 / 泰淮風光 )

12-15.02.2017

如果香港都有咁大個公園就好了 !

我應該算幸運的 , 當別人話南京 2 月凍到飛起 , 我的南京卻是陽光充足加溫暖 , 而且四圍開始開花 .

南京城牆 , 好彩無比錢入去 , 原來都可以免費近觀 .

風和日麗的中午 , 食飽就行公園散步 , 沿住個湖行下又坐下 , 漫活的人生真好 !

下午我地去左另一景點 , 欣賞古泰淮風光 . 老實講 , 我對南京既歷史認識得唔深 , 雖然我係文科出聲 , 但工作後 , 所有知識都還返比老師了 , 哈哈 ... 不過唔緊要的 , 我都只係想係我人生中再加多一個新地方 , 次次都日本 , 你唔悶 , 我都悶 !

其實依到好古色古香 , 好多遊客 , 係一個好有特色既步行街 . 推介大家黎依到行一行 , 感受一下 .

讀唔成書既小地勤 , 都想沾一下狀元既氣息 .

烏衣行首詩我都仲記得 , 朱雀橋邊野草花 , 烏衣巷口夕陽斜 , 舊時王謝堂前燕 , 飛入尋常百姓家 . 小時候 , 我好喜歡唐詩及宋詞 . 估唔到大個左 , 竟然有機會黎朝聖一下 .

 

亮燈後更古色古香 .

晚飯又係食南京大排檔 , 貪佢四圍都有 . 今次試左幾個甜點 , 都不錯吃 .

南京四日三夜之旅＊FEB2017 ( Day 2-雞嗚寺 )

12-15.02.2017

我的兩位團友是老一輩迷信加傳統既中國人 , 喜歡拜神 .

所以帶佢地黎雞嗚寺 , 拜神祈福行大運 .

坐地鐵 3 號線直接到雞嗚寺站 .

入廟拜神先要買門票 . 門票 10 蚊一位 , 換來每人 3 支香 .

我呀媽一支箭咁衝上去拜神 , 我就四圍咁影相同參觀 . 依個寺廟歷史悠久 , 香火鼎盛 , 有 "南朝第一寺 " 的美譽 .

四圍都古色古香 . 每個燈籠都有價有市 , 密麻麻 , 真係好多善信來祈福 .

網上話 " 新白娘子傳奇 " 曾來到此寺借用藥師佛塔來頂替當時正在維修的雷峰塔.

有話圍住個塔行一圈會帶來好運 .

 

每個地方都總有一個幸福的許願鐘 .

難得的合照 . 路人甲算影得不錯了 . 你睇 , 我兩位團友幾開心 !

逗留左 2 個鐘 , 又到午餐時間 . 係寺內食齋菜 . 每款 20-40 蚊不等 .

遠觀南京圍牆 . 寺廟與城牆相連 , 每位好似 35 蚊 , 但時間關係 , 我地放棄左依個行程 .

南京四日三夜之旅＊FEB2017 ( Day 1 )

12-15.02.2017

二月並唔係遊南京既好時候 , 好多人都會建議三月去看花或九月看紅葉 , 但在於一個用員工票既我來說 , 淡季上機既成功率可說是 90% , 再加上跟父母同遊 , 淡季人少少咪仲好 .

第一次去南京 , 去程 Delay , 回程空管 ,  基本上 , 這是返大陸旅行必然預左會遇到既事 .同父母去旅行 , 最緊要輕鬆 , 唔需要安排太多行程 , 老人家只想早睡早起 , 食足三餐 . 

雖然遲左 1 小時抵達南京 - 祿口機場 , 但大家心裡還是興奮的 , 旅行嘛 ~

南京是大城市 , 交通非常便利 , 由機場到市區 , 坐機鐵 S1 轉地鐵就可以了 , 每人單程只需要 8 蚊 . 先到售票機 , 點算閣下目的地以及人數 , 入錢 , 就會跌個藍色圓型車票 , 入閘請拍一下 , 出閘請將車票投入 , 很簡單 .

小地勤住南京火車站旁的南京曙光國際大酒店 , 房間很大 , 算乾淨整齊 . 酒店樓下有超市 , 望住玄武湖 , 亦係地鐵 1 號線及 3 號線的交匯處 , 去其他景點全是 2 蚊地鐵就攪掂 , 很是方便 .

於酒店安頓後 , 坐 1 號線到玄武門 , 問下路人 , 就來到獅子橋步行街 . 小地勤沒有買天書的 , 在 Google search 左一下重要景點 , 以及如何前往就膽粗粗出發 .

獅子橋步行街有野食 , 有野玩 , 有野買 , 是當地美食街之一 . 我帶父母來的目的也是吃飯 . 網上介紹本地人喜歡請外地朋友到南京大牌檔食飯 , 一嘗老南京風味 . 

南京大牌檔內裡裝修古色古香 , 木桌長板鄧 , 仲有戲台同樓上雅座 . 當景點咁參觀一下都唔錯 .

每個小菜約 20-50 蚊不等 , 點心或甜點 20蚊以內 , 海鮮就當然會貴一點 , 約 80 蚊以上 . 網上推介鴨血粉絲煲 , 清燉獅子頭以及鹽水鴨 .

飯後每人一碗赤豆元宵 , 價錢不到 150 元 . 你看 , 我兩位團友食得幾開心幾滿意 .

2017 過肥年

04.02.3017

好似好奈無寫過有關工作上既事情 , 我已經退居幕後 , 相信都無咩人對我現今既工作有太大興趣 .

最近公司爆紅 , 因為高調派花紅 . 市道人人都話好差 , 公司卻先於過年前發左 2 個月花紅 , 近來又話會係 2 月再發多半個月到一個月的花紅 . 合計 3 個月 . 

記得第一年加入公司 , 公司無雙糧依加野 , 就算我以前係 J 公司都一樣係無雙糧 , 大部份地勤公司都係一樣 . 當年公司發了 2000 蚊花紅給我 , 我心諗 , 做左 Airlines 咁多年 , 未見過咁少 . 但當見到全世界話一蚊都無時 , 我先知公司對我有幾好 , 當年聽聞得幾十個同事得到依 2000 蚊 .

公司越做越大 , 第二年就開始派 1 個月花紅 , 舊年我亦分到 2 個幾月花紅 . 今年好多同事係 Secret 鬧唔公平 , 話要擺工 , 覺得自己唔應該分咁少 , 又或者無得分 . 更有好多人話地勤 J 公司跟 H 公司跟 S 公司比依間公司好 .

我由 J 公司過來 , 從沒試過有一年分得多過一個月 , 我係 J 公司係得到上級歡心的 , 我無遲到過 , 4 年幾來 , 只因被別人用左個 Code 而食左一單 Passport 過期 , 就算咁都因為上級鍚我而唔 Warning 我 , 我曾經攞過幾張由航空公司發比我既 Compliment . 我亦係好多同事既師傅 , 但我認 , 我經常 Port Sick , 每個月一出更就攞足 2 日病假 , 一年放多人地 24 日有薪假期 , 因此我從沒怪 J 公司唔比足一個月花紅我 . 

人 , 真係好恐怖 . 當網上無人知道你既真正身分時 , 係 Secret 可以盡情地寫好多惡毒說話 . 同事話 Secret 好好睇 , 但當我見到我既舊戰友不停被人數落時 , 心裡面覺得就算人地真係一句說話得罪左你 , 都唔洗寫 d 咁惡毒既說話掛 . 無掃把唔想日日返工好輕鬆 , 個個都好想做好人 , 佢地當日都係由細做起 , 人地既經驗的確係有幫助過你 , 只係大家覺得係應分而唔認同 . 回想當日依間公司第一日開檔 , 個個都係新人 , 我同我既戰友們 , 為同事寫貓紙做機 , 依加依間公司同事手上攞住既野 , 都係我地當年無私既奉獻 , 所以別覺得掃把無教你野 , 入得黎做既同事都係攞住人地既經驗 , 飲水要思源呀 !

早幾年 , 同事分數由上級決定 , 近年就開始看數據 , 其實人係會有私心的 , 數據最公正 . 不是嗎 ? 小地勤暫時分到 2 . 唔知會唔會有人覺得我做文職 , 無技術可言 , 唔公平呢 ?

我自己自辯一下先 , 我係依間公司 5 年半 , 無請過一日病假 , 遲到係有 ( 12個月遲左 100 分鐘 ) , warning 無收過 , compliment 一堆堆 , 連續得到 3 年 AA 個人獎以及公司優秀服務獎 , 連續 2 年幫公司攞到 Cross-company 大獎 . 我曾經係 counter 坐櫃位 check-in , 做機口 in charge , 做過第一代編更同 duty desk , 再係 lounge 做 in charge , 做 admin . 公司早年上報紙既好幾隻派錢航班 , 我都有份出力過 , 大擺工既日子 , 我除左返 lounge , 仲出山幫手做睇機 . 

咁多年黎 , 我都無升過職 , 做左 5 年幾既小 leader . 我個人認為我戰績咁好 , 公司應該要分 6 個月比我 , 假如有一日分到 6 個月 , 相信公司會倒閉了 ! 

每個人都喜歡將自己放係第一位 , 我都好希望得到人人既歡心同尊敬 , 所以我選擇做好自己既事 , 有空閒亦會幫助同事 , 但我都要面對現實 . 因為從前提醒 , 別人會感激你 ; 現在提醒 , 別人會怪你煩 . 新世代既同事係比較自我 , 我緊記當年十大惡人鬧完我 , 再送我既一句話 " 唔聽話就等客教 " , 依句話真係一生受用 . 

我唔想比客日日鬧 , 所以張開眼睛看看別人既好處去學習 , 而唔係永遠覺得自己個套係正確 . 我相信再差既人都一定有值得別人學習既地方 . 希望同事亦唔好再為個花紅唔開心 , 如果真係咁不憤 , 何不先試下做好自己 , 既然知道公司重視唔遲到 , 唔 port sick , 唔爆鑊既同事而分足花紅比佢地 , 你亦可以加入依個行列 , 假如下年都真係分唔足 , 起碼自己盡左力 , resign 都可以大聲過人 , 係唔係 ?

在此亦祝大家雞年行大運 , 事事順景 , 心想事成 , 恭喜 ! 恭喜 !