72 小時的那霸市。沖繩。2016。十一月 (Day 1)

06-08.11.2016

DAY 1
10月30日起 , 香港的所有航班改行冬令時間 , 沖繩的早機比夏令時間早了半小時起飛 , 因此亦提醒大家 , 假如夏天買了冬天機票 , 出發前一定要在機場管理局的網站查看航班時間 , 否則好容易出事 .

到埗第一件事係係攞返本最新版的 "來來琉球 " , 小地勤一向都唔帶天書遊沖繩的 . "來來琉球 " 不但有那霸市的食店及景點推介 , 仲有優惠卷 , 而且每季都出新版 , 一定比香港買到的天書更詳盡 , 更新得更快 .

今次行程太突然 , 沒有時間在銀行唱錢 , 係 Information Counter 旁邊就會見到 Lawson , 而 Lawson 旁聽就會見到 7 仔櫃員機 , 可以直接禁錢 , 很方便 .

小地勤今次無租車 , 那霸市很細 , 交通亦很方便 . 除非打算去景點 , 否則買張 48 小時單軌電車已經夠玩了 .

 

單軌電車的總站位於內陸線大樓 , 買票就在售票機買 , 很簡單, 方便 .

 

今次的酒店位於美榮橋 , 用 Agoda 積分換的免費 2 晚酒店 . 離車站只有 5 分鐘腳程 , 離國際通不到 15 分鐘腳程 , Check In 後 , 就向國際通方向行 , 並於橫街午餐 . 日本吃到的咖哩豬扒飯都很味美及便宜 .

星期日的國際通總會遇上親子活動 , 係正馬路中心 , 都幾危險 .

 

看到這間店 , 先有來到沖繩的感覺 . 成條國際通都唔知有幾多間同樣店舖 .

 

每次買手信都係依條橫街 , 依加好多店都唔收稅 , 但仍有小部份會收 , 所以先格一下價吧 !

每次都要幫朋友到比卡超專門店買公仔 , 口痕痕就係旁邊買了個黑糖鯛魚燒 , 超好味 !

黎到日本 , 一定要禁可樂機 , 不過依加好少 100 Yen 的選擇 , 大部份都係 160 Yen .

唔開車的日子 , 就可以慢慢行街同買野 , NAHA MAIN PLACE 每次都要去 , 可惜已轉曬季 , 沒有找到便宜貨 . 十一月頭已經出了很多聖誕節禮品 . 小地勤打算下個月先再來買聖誕節禮物 .

沖繩旅遊對我來說是輕鬆的 , 因為沒有必要去趕景點 , 所以可以坐下來食個 Tea . 日本的甜品賣相都很討好 , 價錢亦很實惠 . 正看圖片 , 都知道味道很好 , 不會令人失望 .

難得很早就回酒店 , 因為戰利品太多了 . 美榮橋的確是一個好地方 , 很多食店 . 今次試了另一間拉麵 " 麵屋宵 " . 建議飲曬個湯 , 因為碗底如果寫住 " 大吉 " 就會送飲品一杯 . 可惜我們只有 " 感謝 " 二字 .

飛過不停的一星期

14.11.2016

小地勤這個星期 , 飛左 2 轉 , 而逗留在香港的時間只有 48 小時 , 突然成為大忙人 .

文職的小地勤每個月的月頭 , 月中及月尾都不可以放假的 , 這是我自己給自己訂下的工作守則 . 為左不影響工作 , 我對自己都好嚴格 , 所以呀姐們先會對我有信心以及信任我 . 我的格言是 , 先做好自己本份 , 才有資格跟別人講條件 . 

趁清左月頭既工作 , 而又未到月中交 Report , 我把握三日時間 , 飛了一轉沖繩 . 在沖繩買了一堆日用品及食材後 , 回到香港兩日又再次起飛 . 而目的地是小地勤第一次踏足的蘇梅島 , 一個很美麗的亞熱帶小島 . 這是半工作性質的旅遊 , 雖然只有 72 小時停留 , 但已經夠小地勤到 BIG C 掃零食一箱 .

回到香港的第一日就要 Overnight , 晚上有大清潔 . 呀姐們對我都很好 , 一晚 Overnight 過後 , 給我安排了 2 日假期 , 希望今晚航班準點 , 唔好拖延清洗既進度 .

 

遲來的十月巨風

24.10.2016

香港的颱風好似越來越遲來 . 以前是 6-9 月 , 現在連十月中都出現巨風了 !

小地勤原定 21 號上機 , 結果一隻海馬 , 打亂了我的行程 . 更令我於 22 號晚要再次出山 . 當天有同事因颱風未能回港 , 在少了人手的情況下 , 小地勤想不幫忙也難 .

很久沒有在前線工作了 , 有點不習慣 . 我不怕同事新 , 只怕同事懶 . 其實我的眼睛是雪亮的 , 我知道邊個勤力 , 邊個得把口 , 我亦唔會因為別人討好我而給予優待 .

有同事跟我說 , 小朋友嘔 , 我反問 " 通知清潔姐姐沒有 ? " , 踢一腳才郁一郁 . 為了幫輕個新 In-charge , 我直接出去幫忙瞭解 , 再踢同事一腳 " 麻煩溫水一杯 " , 自己帶小妹妹及媽媽去洗手間整理 , 再遞上一張毛毯 , 並循例問一句 " 是冷親嗎 ? " 客人看來已經很感激 .

我以為這是最基本的 , 但原來同事卻如此冷淡 . 新人都是被人照顧慣 , 所以沒有照顧人的主動嗎 ? 大半年無行更 , 看到新同事如此被動 , 也難怪當 In-charge 如此辛苦 .

又有客人於 " Boarding soon " 時出現 , 同事上前提示 , 客人卻堅持要在貴賓室坐一下 . 同事例行工作地重覆 " 準備開始 , 一定要走 , 閘口好遠 " . 我看不過眼的不是客人的 " 死堅持 " , 反而是同事的 " 不懂變通 " .

我用好緊張既語氣講 " 閘口真係好遠 , 而且颱風剛過 , 機場航班好混亂 , 萬一你地趕唔到這班機 , 我真的會很擔心 , 因為打後幾天都很難做後補的 , 不如攞支水就行啦 , 好唔好 ? " 客人聽後 , 馬上水都唔攞 , 仲多謝我既提醒 .

事後 , 我說笑地跟同事們講 " 例行說話 " , 客人聽多了 , 會煩會討厭 , 試下用另一種方法去遊說 , 再加上緊張既語氣 , 而唔好比客人覺得你想趕佢走 , 這樣客人會比較容易接受的 . 唔知同事們明唔明白呢 ? 如果唔明白 , 比客人鬧多幾次 , 相信就會自然成長 !

結婚一周年

08.10.2016

最近 , 呀姐們安排了一位大肚媽媽幫輕我的打雜工作 , 原定既工作分了出去 , 自然地要為其他事務作出貢獻 , 即將開幕的中場客運廊貴賓室已經動工 , 小地勤亦因此有新的工作及體驗 , 每天也過得既忙碌又充實 , 計數算係我的強項 , 所以我被安排幫忙預估來年的洗費預算 , 每一次的開會 , 都會長知識 . 有新工種總比每天對住同一種文件來得有趣味 .

今日 , 再忙 , 也要放假休息一下 . 2015 年的今天是小地勤的大日子 . 轉眼就過了一年 . 一周年跟平日過得差不多 , 早上洗碗 , 洗衫兼吸塵 . 下午茶後 , 到妹妹家坐一會 , 再回娘家見見父母 . 晚上 , 也沒有出外食飯慶祝 , 仍是由老公煮飯 . 為一今晚多了食蛋糕的環節 . 坦白講 , 我無預到我老公會訂蛋糕 , 我根本無諗過要大事慶祝 , 所以一個粗心既大男人竟然叫我去攞蛋糕時 , 我真係好開心 .

其實簡簡單單地過 , 不是也很好嗎 ? 我只希望每年的十月八日都放假 , Hea 在家中 , 就好開心了 .

Facebook 真係好好 , 經常提醒我重要的日子到來 . 今日佢 Post 左幾張相提我結婚一周年 , 我發覺自己都幾幸福 , 可以成日同老公去旅行 .

好幾次的日本之旅 , 仲可以帶住老公飛出亞洲 , 完成佢係巴塞睇波既夢想 . 期待無數個周年紀念到老 .

工作的苦與樂

16.09.2016

近來又多左同事同我講 , 有睇過我既日記 , 我都會回覆 " 唔好講出去 " 或者 " 唔好睇啦 " . 如果未入職而想入職 , 我都好推介自己個日記板 , 但如果已經入職 , 睇完後大家可能會因為處於唔同部門而產生矛盾 , 假如仲要好好彩地於同一部門 , 咁我就直頭會有大麻煩 . 最煩係 , 總會有有心人要借我既日記板黎生事 , 笑話我同事把我當偶像 ...

始終我地依個地方比人既印象係世外桃源 . 未入職既人 , 睇多一點工作上既負面事情 , 先再入職 , 落差就唔會咁大 . 如果只係講到依到好好好好咁 , 呃左人地入黎 , 而人地又發現有少少唔好 , 就會將小小既唔好放到好大, 亦走得好快 .

自從新同事多了 , 流失率都多了 , 問題亦一蘿蘿 . 亦自從想同事快上手 , 而比外面同事入左黎 , 依到既紀律都差左 . 好既野 , 要花好多時間先學上手 , 唔好既野 , 2 秒鐘就學識 , 人性本如此 .

記得以前我又要行更 , 又要做 Admin 野既時候 , 人手做事實有出錯 . 每當我計少左同事 OT 或做錯左單 . 旁人都會係客客氣氣地同我講聲 , 可能諒解我身兼多職 . 反觀現在 , 每當我做錯野 , 同事用既言氣不但令我難受 , 亦比較喜歡係我上級面前明講 , 我心裡不快 , 亦只會扮沒事 . 錯左比人發現 , 人地的確唔需要顧及你感受 . 這是現在的同事抱有既態度 . 當然有事求你時 , 態度又會一百八十度轉變 . 看多了只嘆一句 " 心淡 " .

其實我都好怕同事走 , 亦會出盡方法幫手留人 . 有時同事會呻下人事問題 , 但老實一句 , 每個地方都係有人事問題的 , 只係睇下自己點面對 . 忍 , 可能會變本加厲 , 反臉 , 對件事無幫助 , 由其新人又點可以鬧返個舊人呢 ? 一句 " 找死 " ? 既然其他人不能改變 , 只可以改變自己心態 . 多做事 , 少說話 , 啱傾咪講多兩句 , 唔啱傾咪自己閃開囉 . 打份工 , 唔洗咁唔開心架 .

可能我真係上岸了 , 講野都唔同左 . 個人都正面左好多 . 休息充足就當然咩都好 !

三日兩夜在北京上學去 * AUG2016 ( 玩樂篇 )

28-30.08.2016

酒店附近有一個大型商場 - 新世界商場 . 內裡有食店及超市 . 在這裡有專賣北京傳統糕餅的稻香村 , 傳統的糕餅款式很多 , 外型小巧精緻 , 在古時應該係難得的美食 , 小地勤亦跟同事們湊熱鬧 , 買了幾件試吃 . 的確不錯吃 , 只可惜現今的我們太幸福了 , 吃慣西方的蛋糕及甜品 , 已經不會再想吃傳統糕餅 .

第一日下課，小地勤跟兩位同事打的前往最近的景點 -798 藝術區。一直以來都好想找個機會到此處逛逛，終於偷到時間。老實講，小地勤萬萬想唔到今個行程會有時間行景點的。非常非常的高興，覺得自己賺到了。

如果有機會都好想扮下文青，係咖啡廳打等一天。這個園區很大，小地勤時間只有個半小時，因為要回酒店跟同事集合再晚餐。雖然喝逛了一會而已，但已很高興。北京的交通真係好差，常常塞車，明明由酒店去這個景點不用１０分鐘，結果回程卻花了半小時兼要比多一倍半既車資。

其實酒店有包早，午，晚三餐，係學院的餐廳吃。每晚公司都會請我們去其他地方吃飯。第一晚是一人一鍋，我對牛，羊肉不好，但來到北京卻再不喜羊都要吃，因為很多人說羊很補身。當然少不了羊肉串，試了一小塊已經頂唔順佢個味！

 第二晚就來到一間吃鴨可出名的大鴨梨。北京的全聚德烤鴨當然出名，卻貴到飛起。當地人會吃便宜坊或大鴨梨。

聽聞這個小吃很有名氣，好似一隻梨，用糯米做而內裡是豆沙，很好吃，不過吃一半就飽，公司每一圍都叫了起碼１６道菜，甜品都有３碟，很浪費。

 

北京人很好辣，這是其中一碟菜，當中有小小粒的雞丁。

酒店包的三餐，不及街外地道。中午盲跑去吃牛肉麵，超大碗１８蚊。

第二晚，跟同事打的去天安門後面的前門大街閒逛，買了幾隻桃，每隻約１３人仔，仲貴過日本，但看來我是水魚了。又買了對花鞋比媽媽，她當然很高興。其實我對北京的景點都可熟路，今次係我第五次去北京，只可惜逗留時間太短，無論來過多少次，我旅是很想在故宮行下。

能夠在工作的時間當中偷到閒暇去逛景點，是意料之外。公司給我的包食包住３日北京上學之旅，是我在迢裡五年來唯一一次覺得返工是有著數，小地勤今次玩得很開心。迢是一個難忘的工作經驗！

三日兩夜在北京上學去 * AUG2016 ( 學習篇 )

28-30.08.2016

某天 , 呀姐話每個部門要派出一位同事參加 " 真情服務之旅 " . 小地勤多口搭訕 , 結果中獎了 . 出發前 . 心裡很忐忑不安 , 得自己一個 , 實悶死 . 再加上網上看到的住宿 , 真的把我嚇死了 ! 結果當然是我多慮了 .

出發前 , 行李當中放了零食 , 杯麵 , 小水煲以及兩本書 . 溫馨提示一下 , 中國境內對其他書很敏感 , 建議唔好帶書 , 有機會被人抽查問話 .

坐 07:40 的北京航班 , 公司對 Duty Travel 的同事都很好 , 假如商務客艙有空位 , 就會根據同事的入職次序來分發位置 . 14 位同事一起出發 , 爭 5 個商務位 , 小地勤是繼大呀姐後 , 最早入職的一位同事 , 所以我成功坐到商務位 .

作為貴賓室員工 , 我係有職業病的 , 對 Setting , 餐具及空姐們的服務都很留意 . 從觀察去學習係自我提升既另一好方法 . 坐慣經濟位的小地勤 , 難得享受到不錯的服務 , 亦明白到為何金 / 銀卡會員們 , 每天也問 " 有無得 Upgrade " . 公司的商務客艙所提供的服務不比其他公司差 , 但卻比其他公司便宜 . 大家有機會都可以試下 .

第一日到步 , 北京同事迎接我們去吃午餐 . 大陸的生活都好正常 , 大部份人最遲 1 點就已經會午餐了 .

午餐後 , 再帶我們在機場四圍游 . 難得地有去到 Terminal 1 , 眼間只有呀媽航空既航班 , 真心覺得好厲害 . 在大陸 , 會員或商務客位以上都專享另類  Check-in 服務 , 好似皇帝咁 , 尊卑分得好清楚 . 之後參選左一個 Transit Lounge , 但跟我想像的差太多 . 還是我們貴賓室做得比較好 , 只是地方不及大陸的大而已 .

再到行李區參觀 , 由於今個行程沒有行李部的同事 , 所以在這裡只留待了 10 分鐘就離開了 . 這個環節並不順利 , 亦充分睇到中國人的 Service 真的不及香港 . 在行李區逗留時間是 10 分鐘 , 但進出行李區卻被保安玩左 2 個鐘 . 事件都過去了 , 亦不想多提 , 免得在日記板上打的說話害慘北京的同事 .

而小地勤公司安排的酒店就在上堂旁邊 . 雖然要自己先比錢 , 但返到香港公司就會再比返我地 . 一個人住咁大間房 , 其實都幾浪費 . 間房好新正 , 所以自己一個人都唔驚 . 浴室亦好大 , 每日一邊沐浴 , 另一邊就開定熱水轉頭浸腳 , 好正 !

小地勤最遲先 Check-in 房間 , 反而攞到高樓層既房 . 北京地方真係好大 !

我就係係依間學院返學 . 今次難得可以感受一下係大陸返學既校園生活  , 其實好開心 . 而我亦係第一日就搵定幾個同學仔相依為命 . 亦好開心認識左唔同部們既同事 .

每天早上 7 點左右 , 離開酒店房 .

穿過花園長廊 .

來到吃早餐的地方 . 假如是學院的人 , 他們會在這個餐廳吃分發的早餐 .

而我是外來的 , 所以被安排另一餐廳吃自肋早餐 . 早餐都是很健康及飽肚的食物 , 因此沒有咖啡奶茶 , 只有豆漿牛奶 .

8 點半正式上堂 . 返學的地方就在酒店後面的大樓 .

課室有提供熱水 , 茶包及咖啡粉 . 桌上有我地既名字 , 有筆有 Notebook , Notes 及老師的一本著作 , 2 日的課程要 3 千港元 . 公司花了錢在小地勤身上 , 小地勤當然會努力學習 .

北京腔的老師一點也不老師 , 開口說話似大媽 . 這就是文化差異 . 雖然老師講課既聲調好似鬧交咁 , 但佢講既野係幾正確 . 每當佢講一些理論 , 小地勤亦會想起以前對客時亦用過 , 課程令我明白到 , 我自己的確好有經驗 , 但沒有理論的幫助 , 係好難跟同事分享出去 . 將老師的理論結合自己的經驗 , 再教授比新同事 , 應該會令新同事更加容易吸收 .

課堂上老師舉了很多事例 , 亦分享了段片 . 再一次的文化差異 . 小地勤聽完一些事例後 , 係完全唔明白點解可以發生係機場內 , 因為在香港根本不會有這樣的事發生 . 自豪地講一句 , 香港的地勤不但專業 , 亦警覺性很高 , 而且大部份都係真心對客 . 所以唔好再鬧我地唔幫手 , 假如閣下肯比錢 , 好多問題都解決到 , 但如果唔想比錢 , 我地只能夠提供建議 , 的確咩都做唔到 . 假如大陸機場 , 話個實情你知 , 係唔會有人理你的 . 你對佢地態度唔好 , 唔幫你分分鐘仲鬧返你 .

8 點半的課 , 9 點 45 分就會小休 , 12 點前一定放飯 , 下午 2 點先再上學 . 每日吃完飯 , 就回酒店午睡 . 在中國返學 , 進度不會好似香港咁快 , 比較輕鬆 . 下午 5 點就下課 . 一點也不辛苦 .

影大合照時 , 很多人都想排第一行中間 , 可以跟老師最接近 . 小地勤很好運 , 被安排在老師後面企 , 哈哈 ... 有找到我嗎 ?

3 日的北京之旅 , 很開心地完結 . 回程因 C Class Full , 所以大家原本都沒機會 Upgrade , 結果轉機型, 轉了大飛機 , 最後差唔多所有同事都被 Upgrade 了 .