上個星期 , 返工返到好似上戰場打仗咁 , 每位同事擺明返工去送死 , 但大家都好似訓練有素咁 , 死就死啦 !
全線上海航班不知真正 Delay 原因是什麼 , 總之發出天氣不好的消息 . 主力上海北京的我們死得最快最慘 . 公司鐵鳥到左上海返唔到黎 , 一係就被迫降落係其他地方 , 再加上有幾隻鐵鳥病左 , 公司根本唔夠飛機起飛 .
其實公司不但唔夠飛機 , 地勤 , 空姐 , 機司全部都唔夠 .
最近惡曬航空請人 , 好似對我們花花航空既同事好有興趣 , 小妹攻心計咁諗 . 惡曬航空有錢又大間 , 要買起花花航空幾百名前線並唔困難 . 唔知花花航空會唔會係第一間因唔夠前線員工而要關門大吉既公司呢 ... ?
講返正題 , 辛苦左整整一個星期 , 日日都被客圍 , 情況有如以下畫面 :
每位同事有家歸不得 , 有為同事 , 有為乘客留底捱義氣 , 講真乘客再差也是人 , 飛機飛唔到佢地都好可憐 , 我地係頭 48 個小時都仲好諒解 , 但當同事兩日無訓覺無沖涼食唔飽後 , 正常人係會黑臉無笑容 , 但卻無人諒解 .
同一間公司大家都係兄弟姐妹 , 最近卻因公司問題而互相指責 . 空姐因為太攰 , 唔肯飛 , 好似好唔合作 , 但佢地有佢地既原因 . 佢地唔可以為公司而犯法攪到 PERMIT 都無埋 , 唔值得 .
地勤因空姐唔肯飛 , 被乘客圍攻 , 淚流滿面亦好可憐 . 結果在公司 FACEBOOK 上 , 大家互相指責 . 公司無 SUPPORT , 唔當同事係人 , 係公司唔好 , 但就攪到空姐地勤黑口黑面 , 關係惡劣 .
回想某年的 7 月 28 日 , 地勤團結起來 , 一起擺工大半日 , 公司才肯比返合理既人工及對待 . 現在同事都無人企出來 , 只有自己暗然過檔 , 舊人走得七七八八 , 公司成日話依行唔怕無人做 , 新人唔識處理乘客問題 , 又被嚇走 , 再咁落去 , 會變成點 ?
小妹睇住花花由當日唔夠十班機到今時今日四十幾班機 , 佢既發展大家有目共度 , 但有地勤同空服 , 飛機運作唔到 , 只可以 DELAY 同 CANCEL . 機票再平 , 飛機再新 , 同事再 NICE 也留唔住客人 .
人人都明既道理 , 只有小妹公司唔明 , 偽香港人就只懂搶跟欺壓 .
無眼睇 , 等嫁中 ... 凡事別太上心 , 有空旅行散心 , 乘客別放大心 , 就可以做到無眼睇既境界 !
