走進我們的一天 @ 貴賓室篇

Oct 31, 2012 9:47 AMPublicPageviews 2586 5                  

最近 , 在 Facebook 看了一段短片 , 短短的五分鐘 " 走進我們的一天 " , 很真實 , 亦很令人懷念 !

現在就讓我也寫一篇這樣的文章吧 ! " 走進我們的一天 @ 貴賓室篇 "

0340  起床梳洗 , 打扮一番 .

0420  在車站等巴士 , 當然富有的人可選擇 0430 上的士 , 但請記住公司只給有限津貼 .

0515  抵達機場 , 過安檢 , 再直奔貴賓室 . 當穿起制服 , 記緊保持儀態 , 再趕也不要因中途被攔截問閘口在那 ? 而黑臉 . 在乘客眼中 , 我就是流動的 Information Counter .

0525  打卡報到 . 並開始我一天的工作 . 開燈 , 開冷氣 , 開電腦 , 開電視 , 開凍櫃 , 開熱爐 , 開焗爐 . 準備沙律吧 , 牛奶 , 果汁 , 蒸點心 , 組裝咖啡機 .

0545  師傅仔送食物到貴賓室 , 點數 , 再幫手 .

0600  開燈箱 , 開大門 , 準備迎賓 .

0700  訂水果及聽當值經理簡介

由開門一刻起 , 請保持微笑及高度戒備 , 因為四班大機 , 分別是台北 , 北京 , 上海及蘇梅的乘客隨時來訪 . " 你好 " " 早晨 " " Hello " 無數次 , 入記錄 , 打報告 , 接電話 , 問資訊 , 將令你快速地渡過數小時 . 別忘了 , 檢查早餐的數量是否足夠 , 假如不夠 , 要盡快加餐喔 .

0900 報紙到 , 蓋章後再整齊地擺放出來 . 再看看事日的訂貨工作表 , 果汁有嗎 ? 牛奶夠嗎 ? 洋酒充足嗎 ? 一堆一堆東西 , 是否足夠 .

0930  清潔姐姐出外吃早餐 , 與拍儅輪流吃 15-20 分鐘早餐 . 接住頂替清潔姐姐的工作 , 清潔 , 加食物 , 甚至洗碗 .

1000  又到時候訂午餐了 . 別忘了午餐時段要預訂 1400 時用的甜點 . 也別忘了檢查食物是否充足 , 要否再加餐 .

1100 午餐送到 , 點餐 , 並準備換餐工作 .

在這段時候 , 我們是最忙的 , 因為這個時段最少有 12 班航班起飛 , 即是最少有 12 次報閘口的電話以及 12 次報登機的電話 . 留意閘口的變動以及到港航班的情況 , 每接一張乘客的入場卷都要寫下特徵 , 如一家三口 , 杏色情侶套裝 , 橙色毛衣配保藍長褲 ... 總之要記住每位乘客乘坐的航班 , 準時提醒他們上機 .

除了這個工作外 , 收發 E-mail , 解答乘客問題 , 以及一堆堆突發事需要我們處理 , 如乘客登機證不見了 / 乘客有升降機不用 , 偏要走樓梯 , 結果接著跌倒了 / 為證明自己服務周到 , 哀求乘客寫意見表 , 表揚自己再向公司交數 ... 太多太多 , 未能盡錄 .

1200  早上的航班順利離開 , 又到午餐時段 . 清走所有早餐 , 換上午餐 , 再一次重複早上的準備工作 .

1230  另外三班大機的乘客開始來了 , 迎賓 , 寫特徵 , 入記錄 , 打報告 ... 重複以上所有工作一次 .

1330  又是時候檢查食物是否充足 , 決定要否加餐 . 太多食物浪費 , 請自行向公司交代 .

1400  甜點送到 , 再一次點餐並為下午茶時段作好準備 . 留意 , 前往汶萊的航班快登機了 , 請通知乘客 , 並重複 X 次前往閘口的方法 .

1430  夜班同事回來了 , 向她們交代清楚今天的一切 . 並提醒所有上海乘客準備登機以及前往閘口的方法 X N 次 .

1500  準時打卡下班 .

基本上 , 完成一天的工作 , 妝容早就溶掉了 . 回到家已經是 1630 ... 累透了 !

看完以上的行程表 , 還有那位美少女想加入本公司或各大航空公司 ? 老實說一句 , 我很歡迎 , 請前來分擔我們的工作 .

航班準點的日子 , 我的一天會是 " 走進我們累透的一天 " .

Delay 的日子 , 就請 " 走進我們災難的一天 " 吧 ! 來吧 ~ 加入我們這個行列吧 ! 相信你會成長得很快 , 而閣下的皮膚會是最明顯的一部份 !

賣下廣告先 http://www.ifreeware.net/download-429158450.html 我的 APPS 回覆正常了 , 有興趣可以去看看喔 !

十一黃金周

Oct 7, 2012 7:21 PMPublicPageviews 969 6                  

十一黃金周前後的客數是平日的三 , 四倍 , 而人手是沒加也沒減 . 清潔姐姐都是我們的好幫手 , 平日一人分擔三角 , 包括洗碗 , Fill 食物以及運送物資 . 最近 , 她們連碗都洗唔切 . 食物才 Fill 出去 , 就見到半盆柸沒有了 , 加完半盆柸 , 可樂櫃又沒了一半 , 想入士多房攞可樂 , 中途已被乘客截住 " 小姐 , 沒菜了 ! " 心想有無咁快 . 走去一看 , 果然什麼也沒有 , 再 Fill 一轉 , 又有乘客說要柸麵 , 一個要柸麵 , 人人要柸麵 ... 直到現在 , 我仍是不明白 , 這麼細小的貴賓室 , 如何容納那二百多個乘客 ? 二百多個 Booking , 還有未計那未知的金銀卡會員 , 一堆指住個鼻就入黎既貴賓以及控制不了的其他航空公司既乘客 .

衝突我現在已不是 Airside 或 Landside 的人 , 我現在是貴賓的人 , 我心撃他們 , 但他們已明確讓我知道 , 他們是他們 , 我們是我們 . 某天晚上 , 早就收到 E-mail 航機要 Delay , 航班上有好幾位商務客 , 但只有 3 位內進 , 他們亦知道班機 Delay , 但坐得太奈吧 ! 坐左 3 個半鐘後 , 他們堅持離開走走 .

我們本應 2330 , 但飛機 Delay 到 0030 , 等到 0030 都唔見 Boarding , 打去閘口一問先知飛機有問題 , 要等到 0115 先有消息 , 並會叫商務客返黎坐 . 我地即時要再準備 , 結果 0100 , 有兩個客返黎 , 我一 Check  system 見到已經開始 Boarding , 仲要 Board 左成 60 幾客 , 我即時係個客面前打去問閘口 , 閘口先講話開始左 . 又要同返個客解釋 , 又要趕佢地快走 , 驚佢地上唔到機 . 如果我信閘口同事 0115 先打去 Check information , 相信死得啦 !

我心諗同事唔記得打黎 , 正常 , Delay 佢地唔好受 , 所以無將件事打入 Report , 一心想小事化無 . 結果人地開會時 , 話我地偷走 , 打去報 Boarding 無人聽 , 問心個句 , 你地根本無打黎 , 全程係我地打去問先知 . 張開眼講大話 !

依加通知 , 機口同事最鐘意問 " 你係邊個 " , 我地同事好難受 , 有問責制感覺 . 事後亦得知 , 事件被改版 . 說打左黎報 Boarding , 我地卻巫告他們沒有打來 . 貴賓室同事 , 最想商務客早 D 走 , 佢地走 , 我地可以收工 . 閘口同事唔想多個客黎閘口煩佢地 , 唔 Boarding 都唔打黎 . 請記住 , 乘客唔識路 , 去閘口亦要時間 , 你 Boarding 先打黎 , 叫個客飛過去呀 ?

串少少講句 , 我都有做過睇機 , 我做緊睇機時 , 你做緊咩呢 ? 難道我唔知程序 ? 定有人覺得做貴賓室就咩都唔識先 ? 由十一黃金周開始 , Report , 我會入足 . 你不仁我不義 .


超出想像的愛

一孩政策 , 令大部份中國小孩被寵壞了 . 聽聞有父母讓小孩在太子站大便 , 好噁心 ...

貴賓室有個凍櫃放沙律 . 我定時定侯就會由 Reception 行出去走一轉檢查 . 正當我整緊部咖啡機時 , 見到呀 Dee Dee , 行去沙律吧攞野食 , 接住口沬橫飛地咳 , 我正打算比紙巾佢既時候 , 睇住佢已迫不及待要吐到我個沙律吧到 ... 幸好 ... 他爸爸即時把手伸出來 , 接住左 ... 好噁心呀 ! 相信要好愛好愛佢個仔先做得出吧 !

我比左張紙巾爸爸 , 再比埋濕紙巾 , 但爸爸無用到 , 兩手搓一搓就算 . 嗯 ... 這裡是中上人家用既貴賓室 , 這裡的人應該是有受過教育的 , 應該知道咩叫衛生 .

等他們一家幾十口走後 , 馬上換走曬所有沙律 ... 好恐怖 !

看來要受國民教育的不是現今的小孩 , 而是我 ! 我需要被洗腦 , 不然很難接受 .

再過幾年 , 香港會變成點呢 ? 街上自由行多到係行人路行 , 我都唔敢著涼鞋 , 因為佢地人人手拖一架車仔 , 成日碌我隻腳 , Sorry 都無一句 , 仲要黑返我臉 , 覺得係我阻住佢地 . 明1地鐵要先落先再入 , 由細到大都係咁 , 依加係你唔落車 , 分分鐘鐘被人推返上車 . 點解香港會攪成咁 ? 點解佢地咁鐘意黎香港買曬所有野 ? 大陸都有啦 ... 唔明 .

工作坊

Sep 19, 2012 10:13 AMPublicPageviews 855 2                 

自從上次賣曬報紙之後 , 由以前一天有百多位貴賓減至七十多個 . 飛機也由之前一天三十六七班 , 回落到三十二班左右 . 晚上多了飛機 Standby , Delay 情況好像有很大改善 , 對所有同事來說是好消息 .

最近 , 很多同事升職了 , 有些同事是跳升幾級 , 厲害 ! 這就是細公司的好 , 比大公司來得多機會 . 我呢 ? Title 是改了 , 由 Senior Officer 改做 Leader , 其實有什麼分別呢 ? 名對我來說 , 不太重要 , 還是人工加 , 比較實際 . 今次加幅 , 我很滿意 , 比想像中的多 . 都係個句 , 每個人加幅唔同 , 所以今次公司好低調去做 .

空閒了 , 公司開始攪工作坊 , 呀姐帶左我跟另一位新同事去參加 . 呀姐話要帶我地認識一下北京站經理 , 還開口叫人地被我地參觀北京貴賓室 , 我地呀姐對我地班細既很好 .帶我地出去見識 , 就知佢有幾睇我地班細架啦 !

今次主題係香港跟大陸文化既差異 . 印象最深刻係 別用香港那套對客理論 對待他們 . 禮貌 , 斯文 攪佢地唔掂 . 北方人跟南方人 應付手法亦唔同 . 別跟大陸人說英語 , 佢地會覺得你唔尊重佢 . 依加先知 Check-in = 值機 , 嘩 ... 超難呀 . 今次算唔算洗腦教育呢 ?

常常聽到乘客跟我們說 " 給我一個說法 " , 以前總是回答 , 剛剛不是跟你說了嗎 ? 延誤因天氣問題 . 原來他們的說法跟我的理解是不同的 . 一直以為說法 = 解釋 , 原來是解決方案 ... 他們最終說法只有一個 " 錢 " . 這是一個理論 , 先問公司比幾多 , 再問客要幾多 . 假如公司話比一千 , 就問客要幾多 , 客要五百就比佢啦 ! 記住唔好開個實價出黎 , 公司肯比一千就開 500 最好 , 有得加上去 . 好似買菜咁 ... 都幾實用 .

這個月 , 倫敦沒了 , 人手增加了 . 我開始清假 , 計埋 OFF , 今個月放 15 日假 , 半個月呀 ... 我還有 17 日假未清 , 應該可以清到下年 , 太好了 !

為下一次旅遊而努力

Aug 23, 2012 9:47 PMPublicPageviews 1129 4                   

做得依行 , 唯一著數就係 平機票 ! 本人今年 5 張免費機票 , 於三月時已用了 4 張 , 最後 1 張 倫敦 , 因無可能放大假而給白白浪費 . 來了貴賓室 3 個半月 , 更份比以前好得太多了 , 以前一個月 OT 一百鐘 , 現在最惡劣時 , OT 頂多六十鐘 , 算是好很很很 ... 多了 !

一等再等 , 新同事出出入入 , 人手好似一直不足 , 大家姐為左讓我地有最少一日假 , 甚至頂我地既更 , 會唔會太好了 ? 簡直好似到左世外桃園返工咁 ! 最近終於請夠人了 , 但新同事無咁快上手 , 大家姐煩咩 ? 我唔會唔知 . 一心以為又無得放大假 , 但大家姐卻話比足我放 5 日 , 連我自己都唔好意思 .

最近 , 天氣好奇怪 , 一個星期一個風 , 真係做到想喊 , 晚晚都係奪命三寶 ( 台灣 , 曼谷 , 布吉 ) Delay ! 返夜不能準點 , 預左 . 有一晚突然掛八號 , 酒店房根本唔夠乘客用 , 好采我地大家姐有牙力 , 要到一間房 , 結果我地 5 個同事 ( 早夜更各兩位 , 再加大家姐 ) 全部迫係一間房到 . 我地唔係空中大小姐 , 當然無可能一個同事一間房 , 有地方比我地休息已經很好 . 情況咁惡劣 , 我地無人怪公司 , 而依件事令我更加欣賞我地呀姐 ! 佢的確關愛我地 , 哈哈 !

仲有一個月 , 我會努力捱下去 ! 下一站 - 沖繩 !

再惡劣 , 再難捱 , 我也會撐下去 , 其實 , 我真係好希望睇到依間公司唔再 Delay . 唔知我退休前 , 佢能否做到準點呢 ??

早前 , 衝上雲霄一班工作人員來了貴賓室看場景 , 估唔到我公司今次仲贊助埋拍電視劇 . 勸大家一句 , 電視劇情睇完就算 , 唔好信以為真 , 入行前 , 停一停 , 諗一諗 !

我們個個也是義氣仔女

Aug 5, 2012 5:02 PMPublicPageviews 12256 5           

打完十號風球 , 情況有幾惡劣 , 相信大家從報紙上亦看到不少 .

前幾天 , 我遇到一位 J 公司同事 , 其實我跟她認識不深 , 在小妹剛入 J 公司時 , 她剛請辭 , 最近回來做兼職 . 地勤這份工作真的有其吸引之處 ! 她問小妹何解你們公司的同事個個都可以唔洗訓 , 日日做十幾廿個鐘 ? 義氣吧 ! 不想一班同事無人幫 , 個個自動自覺去 OT . 正如今次打風的日子 , 報紙無講錯 , 同事個個每日返成 40 鐘 , 有些同事最終頂唔順 , 訓左醫院 . 為咩 ? 一定唔係為左間公司 , 的確係為左一班同事及那少數的 Nice 客 !

我記得我入職時 , 只是做一個 Senior 同事 , 結果卻做了睇機 , 坐枱及編更 . 做文職的同事相信從沒想過自己要到機場幫手吧 ! 某天上班 , 遇到一位做左多年的空中主管 , 其實 , 大家都只是認得大家 , 但可能最近情況大惡劣吧 ! 大家雖不太認識 , 也可以互相呻幾句 , 勉勵幾句 . 其實返工返到有一班咁好既同事 , 真係好難得 ! 聽她說 , 她被 Call 回機場 , 其實她大可以拒絕 , 結果就是不想見到自己班同事被人咬爆個頭 , 一心打算上黎 Take 同事休息半小時或去過洗手間都好 , 講真 , 要代替人被客人插到呀媽都唔認得 , 需要多大勇氣 ?

另一班文職同事 , 小妹在貴賓室遇到 , 當中某位是高層啦 ! 他們一大班人說來看看我們 , 之後就說要到飛機上做清潔 , 可能因為他們其他地方未能幫手吧 . 清潔 , 看來是最簡單的 . 那天 , 我就一直在想 , 為什麼呢 ? 為什麼呢 ? 公司竟有如此一班好同事 , 是公司的福氣 .

最近情況好了很多 . 因為乘客害怕了 , 很多人取消航班及退票 . 商務客更不用說 , 人家有錢大把選擇 , 不一定要選我們 . 今次的事件確實趕客 ! 因此 , 最近情況好轉 , 只因商務客少了一半 , 對貴賓室的我來說 , 是十年難得一遇的空閒 ! 大家姐很體恤我地一班做細既 , 都盡量阻止不是坐商務的人入貴賓室 , 她想我們一班同事可以休養幾日 , 始終 我們完氣大傷了 . 一星期工作時間才 45 小時 , 結果我一星期卻加班了 42 小時 ...

聽說民航處也插手我們的事 , 相信這是好的 . 公司最大問題是擴張太快 , 但卻配件不足 . 經過這一次 , 公司終於肯加人手了 , 加多 15 - 20 個人頭 , 雖然根本唔夠 , 但叫好過無 . 但好無奈的是 , 這一次 , 我失去了很多戰友 , 他們都唔玩了 , 完成了那星期可怕的工作後 , 才離開 , 說真 , 已很夠義氣 !

跟我最有關係的兩個部門 , 聽說也快瓦解了 , 因為四份三人辭職 . 希望 , 我們仍有能力去應付下一個風 ... 祝我們好運 !

罷工 , 到何時 ?

Jul 30, 2012 2:22 AMPublicPageviews 34052 12                 

首先 , 跟大家報個平安先 ! 我除了昨天零晨比乘客用水樽打了我的手臂兩次外 , 暫時還安好 ! 大家可以放心 .

上年的 7 月 28 日 , 係公司自立門户的一天 . 那天很難捱 , 但我們努力去做 , 希望可以令這間公司盡快進入軌道 . 之後 , 常常出現 Delay , 原因都是大陸個邊有 空中管制 累事 , 但 Delay 都只是每班機 兩小時 左右 , 慢慢地乘客習慣了 . 亦沒以前那麼嘈吵 . 就這樣高層沒打算要去改變 , 只靠我們這班前線員工繼續跟乘客拖下去 .

今年 7 月 28 日早上 0800 時 , 我終於頂唔順 , 只想回家洗澡後再回來上班 , 那時機場還有地勤 , 那時乘客還算安靜 , 因為有同事被乘客出手打了 , 警察把那個人捉走 , 令其他乘客收歛了些許 . 我在片段上看到同事哭了 , 被潑水的男主管一臉無奈 , 你們知道嗎 ? 他兩由打風那天開始一直守候一班又一班 PK 的乘客 , 在我的立場看 那班 PK 是無辜 , 我們一班同事其實也是 無辜 的 !!! 打人後的那位 PK 還大大聲說 " 是不是要打人後才有毛毯 !? " 好像自己沒做錯似的 !! 我們為乘客訂了 4000 張毛毯 , 一班機得 100 客卻拿走我們 300 張 ? 沒毛毯是你們班貪心人打算拿回家而已 !! 死 PKPKPKPK X 10000

我們沒有一位同事有做一個人的基本權利 , 有同事連續 40 小時沒睡覺 , 我也連續 30 多小時沒睡 , 下班回家洗完白白再回來 . 一天只吃一次東西 , 而且最基本的一小時飯鐘也沒有 . 最基本的上洗手間 , 因被一班乘客重重包圍 , 走不出去 . 我們也是人 ! 我們只是打份工 ! 不停的被罵 , 我們的家人是無辜的 , 你們也罵 ! 終於你們自認為最可憐的一班人出手打我們了 , 理由是你們是無辜的 ! 我們呢 ? 捱打 !! 終於 , 我們所有同事不玩了 , 決定放棄你們這班 PK 客 , 所有地勤為了自身安全全部撤退 , 我們沒有武器 , 沒有頭盔 , 我們很害怕 !

那時我不知道發生什麼事 , 剛回到貴賓室 . 見到很多很多瘋狂的 PK 客把我們重重包圍 , 兩位 AVSECO 男同事站在貴賓室門口幫我們擋住他們 . 終於擋不了 , 乘客衝入貴賓室 , 我們大家姐即時報警 , 我們被包圍 , 才知道外面的地勤罷工 , 看 Whatsapp 才見到有同事叫我別上班 , 說所有地勤都跑回 Office , 卻出不來 , 因為乘客把 5 樓圍起來 ! 他們很害怕 , 把門鎖起 !

不久警察來了 , 把乘客趕走 , 大家姐買便服給我們 , 叫我們不要穿制服 . 原來乘客一見到 穿制服 的同事 OR 用公司 Permit 帶的同事 , 全部圍起來 , 有男同事被客人推到地上 , 再被一一問候 ! 這裡是香港嗎 ? 大陸人可以如此出手打人當沒事發生 ! 我們很害怕 , 已不是因為航班 Delay 而害怕面對乘客 , 而是擔心自身安全 .

大家姐說 , 地勤同事撤退得太突然 , 我們還沒收到消息 , 已被乘客圍起來 , 門外雖有 AVSECO 及 POLICE , 但仍聽到乘客尖叫 , 要衝入來 . 有一位呀 SIR 衝入貴賓室跟我們說 , 他們同事也怕擋不了多久 , 叫我們把門鎖上 . 事問 這一刻 , 還有人會覺得乘客可憐 , 想出來幫他們嗎 ? 我覺得自己好像過街老鼠 , 每個人見到我們同事都說要打我們 . 航班 Delay , 是我們的錯嗎 ?

大約晚上 8 時多 , 終於有同事不怕死 , 衝上閘口開始幫手登機 , 那班不怕死的同事 , 就是平日跟我最要好的同事 ( 事後 , 被某些同事說扮救世主 , 同事之間竟如此 , 心寒 ! ) . 零晨時份 , 貴賓室只留下一堆北京乘客 , 打電話問朋友 , 才知道他一拖一 , 全部機無地勤 , 只有他們幾人分別做曬所有航班 , 所以全部航班同一閘口 , 同一班同事 . 我穿著便服跑去機口幫手 Boarding . 檢查證件時 , 有乘客惡言相向 , 朋友見到 , 大家一起說 " 吵吧 , 信不信我們馬上離開 !? " 那乘客很大聲說 " 走吧 ! 不想幹就別幹 " 其他乘客看到即時出言制止那攪事的人 , 叫他收聲 , 叫我們別走 , 有乘客還買水買食物給我們 , 說 " 辛苦了 ! "

平日 Delay , 我們都是去送死 , 今日 Delay , 卻得到很多乘客體諒 . 可能 , 他們也怕了 , 看到沒地勤敢出來登機 , 怕被人打 . 他們只能呆等 , 等到我們願意出來 . 現在有人不怕死出來幫他們 , 他們還夠膽動手嗎 ? 我很老實說一句 " 我們不幹 , 走不了的 , 只是你們 "

那班機完成後 , 我也真的捱不下去 , 先行離開 , 雖然很沒義氣 , 但真的對不起 ! 朋友們 , 你們要加油 ! 但自身安全才是最重要的 . 危及安全是 , 請別理那班 PK , 自行撤退 !!

今天又要上班 ... 今天開始空中小姐們說要罷工 , 首當其衝又是我們 ... 說真 , 我很害怕 , 我只是打份工 , 不是來打仗的 !!

風雨過後出山記

Jul 26, 2012 9:29 PMPublicPageviews 1442 6                 

今次個風打得好似好突然咁 , 一直都無話佢咁勁 , 就係 23 號中午 , 當我收工打算坐鐵路返屋企既時候 , 到左西鐵站迫死左 , 係南昌等左幾班車先上到去 ! 見到美孚站人多到排埋上樓梯 , 好厲害 ! 當時都無意識到個風會勁成咁 !

之後就 8 號 , 9 號 , 再到 10 號 , 已心知不妙 ! 24 號中午上班 , 未到貴賓室 , 見到成個 FIDS 都係 EST 時間 , 已心知今晚唔洗收工 . 當晚 , 好混亂 , 依班機明明係上海返黎 結果消失左 ; 那班機明明北京回來 , 結果去左海口 . 一班機 late arrival , 結果導致三班機 Delay . 一 , 到港的 A 機遲 , 很正常地離港機也遲 . 二 , A 機遲 , 乘坐 A 機的乘客也遲 , 但總共有 60 人要駁 B 機 , 怎能不等 ? 結果 B 機也遲了 . 三 , 因公司空姐不夠 , A 機空姐回來再飛 C 機 , 結果連 C 機都要遲 .

日盼夜盼的 A 機到港後 , 正常清潔過後就可以開始 Boarding 再飛 . 結果是 沒清潔工人 , 等到有工人 , 又話 無人上飛機餐 , 終於飛機 Ready , 卻 無地勤 Boarding , 有人黎 Boarding la , 機門都關上 , 卻遲遲不見 Depart , 原因係 無推機車 .... 回來遲 , 出發再遲 , 再回來又再遲 , 再出發更加遲 ... 遲遲遲 ... 放過我們吧 ! 我們是無奈的 , 乘客是無辜的 . 用過餐卷的乘客 , 中氣十足 , 個個輪流黎 小 我地 . 小 都唔夠 , 發脾氣 打 我地 , 我們沒飯吃 , 我們只是打份工 , 我們也不想講癈話 .

捱到一堆堆乘客 無氣 再鬧我地 , 我聲沙了 , 那刻 胃痛 到不得了 . 那些曾鬧我的強國人係收火後 , 問了一句 " 還沒吃飯嗎 ? " 原來你地都仲有良心 . 1200 在家吃過飯後 , 下一次吃一件三文治的時間是 0330/+ . 我也有媽媽的 , 我也是一個人 , 喊 !? 根本沒氣力 !

25 號早上 0745 , 打左卡收工 , 被另一間公司追張 FIM ( 機票 ) , 見同事咁忙 , 決定食完早餐再到 Office 做下義工開 FIM , 再交去人地 Office . 1030 終於上車了 , 超累 ... 1100 收到我呀姐電話 , 聽到 十 個有 四 個睇機射左波 ( 請病假 ) , 聽到有同事仔被安排攞個 Walkie 當睇機 , 好陰公 ! 結果 , 我出山了 ! 嘩哈哈 !

本來說好做完一班機就回家睡覺 , 結果當然不會這麼簡單啦 ! 同事仔說她的航班沒睇機 , 問我可否來幫她一下 , 結果第一班機就唔係無依樣就無個樣 , 忙死我 ! 第二班機仲厲害 , 班乘客係 23 號飛唔到 , 等到 24 號我地無機飛 , Delay 到 25 號 . 我由貴賓室對住佢地對到去閘口 . 當時航機已到 , 卻有一班香港人唔肯下機 . 原來香港人跟強國人都係一樣 !!

Departure 的乘客知道有人唔肯落機攪到佢地無得上機 , 即時火起 ! 同事只好報警 ... 我被一堆人圍住 , 迫埋左去玻璃門到 . 之後我就同佢地講 , 我入去趕佢地落機 , 叫佢地唔好咁激動 . 好好采 , 高層成功令班客離開飛機 , 而我亦可以對班客有個交代 , 佢地班客向我歡呼 ... 之後就話唔洗清潔佢地都會照上機 , 真係好合作 . 我用檢查證件來拖延時間 , 拖下拖下拖左成廿幾分鐘 , 之後又話要先比輪椅客上機 , 再拖延多十分鐘 , 終於可以正式開始 , 又要再拖 , 不停問候下 D 客 , 講多幾句先過一個客 . 終於可以關機門 .

真係它媽的 !!! 沒有推機車 ... 能唔能夠拖延到班客唔嘈 , 真係要靠班 Crew . 其實慢慢出下飲品 , 應該都可以拖延到有推機車黎 . 結果原定 23 號起行的人 , 變成 25 號下午六時多才能成功起飛 . 其實見佢遲遲未起飛 , 我好驚班客會係飛機到等到嘈話要落機 . 如果佢地真係嘈 , 我係個班機睇機 , 又要無下一個 Duty , 咁就要一直對住佢地 ... 好采無事 , 嚇死我啦 !

請看下圖 : ( 上面個張就係我係閘口被依堆人圍緊 @@ " ) ( 下面個張係圍起鐵馬既黃枱 )

其實簡唔中出山一次都唔錯 , 中和一下 !! 無做兩個月睇機 , 咩都唔記得曬 Lu , 連點上板同 Sign In 都唔記得呀 , 哈哈 !!

不得不講一句 , 其實我真係好捱得 , 咁多個鐘唔訓覺都無暈低 , 連我自己都覺得自己好厲害 !