攻心計@職場版

Jul 11, 2012 8:43 PMPublicPageviews 1663 9               

很多同事 , 朋友都說我沒大志 . 有位上唔願上 , 有得升卻說辭職 .講真 , 我無咩上進心 , 唔想上位 , 只想安安份份打份工 , 無風無浪過一生 . 我成日同自己講 , 人地要上位就比人上 , 但求唔好踩我一腳就好了 . 反正 , 我的確不缺錢 , 不是我富有 , 只係我無咩慾望 , 無咩想買 , 亦無野缺少 , 心靈富足嘛 , 哈哈 ...

大家都知道我轉部門了 . 其實未轉部門前 , 我得到同事口中的大媽 , 細媽照顧 , 上面的確對我不錯 , 最少無人唔知我叫咩名 . 講真 , 公司剛開始 , 大把新同事 , 同級同事個個都話唔想升 , 無所謂 , 事實呢 ?

真的好似後宮爭寵咁 , 我試過比人中傷 , 結果上面極度留意我 ... 後來當然是 , 我對 Airside 太熟 , 對 System 亦好熟 , 跟舊公司的 TO 亦有兩句 , 我既航班都逄凶化吉 . 後來就更加得寵吧 ! 是非亦由此起 , 總有人說 , 你好命 , 成日都做無特別既航班 , 當然做得好 . 我只能笑笑口 , 說聲是嗎 ? 心想怎麼我不覺 ?

我的第一班機就報警三次 , Delay 到第二日 , 上埋報紙 , 被人拍埋片 . 之後日日十九更 , 我打 " 大佬 " 時 , 請問你們在做什麼 ? 每次呻完都只能說一聲 " 算 " . 鬼叫我個外形的確係適合被人蝦 , 人地都只係背後講 , 又無當面講 , 算係咁架啦 ... 這大半年 , 我好鐘意睇清朝劇 , 因為可以學下點樣應付那些不喜歡你的人 .

後來 , 不想做 , 一來辛苦 , 二來唔想日日為左自保 , 而算依個算果個 . 上面當然留 , 仲即時話升我職加我人工 , 真係嚇死我 ... 心想唔升得唔得 ? 因為我話唔做 , 就加快公司升我既念頭 , 這並不是我想的 . 知道嗎 ? 坐枱在別人眼中是不用出外面對暴民 , 做多左 , 我亦習慣 , 而且自問亦算盡責 , 亦真心為同事著想 .

但總有人對我有微言 睇機仔 學人做坐枱 , 咩職級 , 點我做野 , 一係就話自己一定做得比我好 . 我不知亦不想聽 , 更不想跟人比較 , 但有些說話總會傳到耳邊 . 你想做 , 我就讓你做吧 , 結果呢 ... 同事們不服你 , 又是說我害你 . 無奈 ... 比你上位又唔鐘意 .

唔明 , 我都轉左部門啦 , 仲成日咬住我唔放 ， 點解 ？ 好采依到既同事都好好 , 個個都同我一樣 , 唔想升 , 但卻努力做好自己既工作 , 大家都無針鋒相對 . 完全係一個世外桃源咁 . 黎到依到覺得自己好幸福 !

最近 , 跟舊部門某些同事好似起衝突了 . 我只係想幫個乘客 , 但人地卻覺得我搶佢野做 , 要上位 . 其實 , 我明明先通知左佢點做 , 叫佢做 , 佢又唔做 . 你唔做咪我做囉 , 點知原來係我做多左 , 令你唔高興 . 我的確無去野事 , 我都無同我大家姐講 , 人地卻急住打我小報告 . 講得難聽些 , 你做左咁多年野 , 唔通睇唔出我依加 " 上左位 " ? 你咁樣做 , 是叫害我嗎 ? 害既只係你自己 , 見到人地咁樣對自己 , 的確唔開心 , 有時好想提下佢 , 你再攪我 , 死出依間公司既 , 就會係你 ... 何必呢 ?

我既心聲係安安穩穩打份工 , 我唔會用是非當人情 , 從來亦唔識擦鞋 , 更唔打算去擦 . 最好加人工唔升職 , 永遠做細 , 有事就叫上面攪 , 唔好煩我 .

睇過我日記既人越來越多 , 好多都係我唔認識既機場人 , 亦有些係我唔認識但卻認識我既人以及係我朋友 . 這篇文章就讓我呻兩句吧 ! 得寵有得寵的好 , 卻被视為上面既人 , 唔再有真心既朋友 . 我無要求 , 唔真心不打緊 , 別黑我臉就好了 , 讓我繼續單純地覺得世上所有人都是好的 .

以上只是我的怨言而已 , 唔好以為我在曬命 . 電視都有得睇啦 , 得寵結果係你唔攪人 , 人地都要黎攪你 , 不好受 ... ! 睇完我篇日記 , 麻煩唔好開我名 .

雪櫃又壞了!

對上一次壞雪櫃是今年夏天 . 當時 , 小妹很幸運 , 正值放大假 , 所以避過了那件麻煩事 .

沒想到 , 才修理不足半年 , 雪櫃又壞了 ! 現在正是香港的冬季 , 所以食物沒有變壞及變嗅 . 小地勤們又要發揮能幹的看家本領 . 小妹把暫時沒用到的食物先存放在跟我們有友好關係的餐廳內 . 每天早上 , 餐廳員工會把早餐及當天小地勤需要的食品帶到貴賓室給我們使用 .

小妹又把沒壞的氣水機重新收拾一次 , 滕空下層位置放必須要用的東西 . 又在壞了的雪 櫃內放滿冰塊 . 雖然不夠冷 , 但仍可放當天的新鮮蔬果 . 由於小妹的貴賓室有做冰機 , 所以冰塊絕對足夠 . 小妹亦把一些細細件而必須冷藏的食物放入做冰機內 .

這個貴賓室已經開業快四年了 . 這一年 , 不是這裡壞 , 就是那裡壞 . 現有設施 , 根本不足以應付現有的客量  , 包和了很久也沒人理 . 直到最近 , 客數已超出負荷 , 管理層才答應擴張 .

擴張 , 對小妹來說不是一件好事 . 擴張後 , 工作量會大增 , 人手永遠沒加 . 其實 , 心灰了很久 .

最近 , 公司更單方面更改機票優惠 , 由以前可以自選 4 位朋友或家人 , 到現在只可以寫家人 . 由以前可以無限量出機票 , 到現在只可以 出 20 套 … 每回看 Facebook , 同事都是充滿怨氣 . 第一次遇到一間可以令同事由熱心做到變灰心的公司 .

的確 , 這行不怕沒人做 . 全間公司都是新人亦易於管理 , 不迫走現有的同事 , 那能保住 “ 更年青 “ 的口號 !?

雪櫃壞了散熱位置 , 看來 , 它命不久矣 !

Overnight 的動力

Jun 23, 2012 7:51 PMPublicPageviews 1633 9               

最近 Delay 得好嚴重 , 衰開真係有條路 . 本身無人推機 , 朝早既機就已經大 Delay . 去到中段時間 , 又話無人做清潔 , Delay 再 Delay , 下下都要同客人講等飛機一到就可以飛 , 到左成個鐘都仲未飛 , 又再同客講 , 清潔未完成 , 實質係無清潔工人 ...

晚上 , 捱到所有飛機返曬黎 , 結果鐵鳥又病左 , 一係就係班空中大小姐樣樣慢慢黎 , 拖到 Crew Rest 為此 . 一句 Crew 要 Rest , 地勤就永遠無得 Rest , 個個都要 On Call 36 小時 . 公司發展快 , 卻無 Support , 不停買機加新航點 , 卻沒有加人及找清條數 .

報紙報導好幾日 , 公司卻無正視問題 . 係 , 係地勤犯賤 ! 無人叫你洗厠所做清潔 , 做完你又要呻 , 係你自願 , 公司無叫你地咁做 . 哈 ! 高層諗野果然跟一般低下階層唔同 , 怪唔得我唔會升到上去 , 原來我唔夠 " 絕 " . 公司對我地非常好 , 買埋手套係 Office 比我地用 . 勁 , RUN 到就由得我地繼續做 , 依個就係公司既解決方法 ! 忍唔住想講一句 " 頂你呀 ! 仆街 ! "

天氣唔好又 Delay , 天氣好 , 又 Delay . 點做 ? 的確 , 我離開了 . 由二百人圍我一個轉成廿人圍我一個 , 要 KO 廿人的確輕鬆過 KO 二百人 , 但其實我唔想日日返工都要好似上戰場咁 , 被插個遍體鱗傷 . 可否一星期先小 Delay 一次 , 兩星期先大 Delay 一次 ? 每星期一兩日正常下 , 比人回下氣 , 得唔得 ?

太多遙傳公司無錢 , 結果一上 JOBSDB 卻會見到公司好多部門請人 , 想像唔到既 Post 位都有 . 推機車已經準備好 , 卻無人識開 . 結果錢花了 , 卻沒改善 . 女同事說 , 三日無返過屋企沖涼同洗臉 , 好攰 ... 看到佢對熊貓眼 , 的確心痛 . 好地地一個女仔 , 攪成咁 , 涼都無得沖 , 底衫褲都無得換 , 返工返到咁 , 為左咩 ? 為左唔想見到其他同事喊 , 為左想班乘客返到屋企 ! 唔通為左幫你依間咁既公司咩 ??

借同事一句說話 " 我地 XX 地勤 , 流的眼淚全是熱的 , 為間公司流 !? 呸 !! "
怨下去 , 卻繼續捱下去 , 因為我地真心喜歡這份工作 !

今天早上九點 , 我才跟一班暴民困獸鬥完 , 足足十八小時 ! 給我捱下去的力量來自一位外籍男士 , 他中午二點的航班一再 Delay , 再 Delay , 甚至上左飛機都差點因 Crew Rest 而走不了 . 在他上機前的無數小時 , 我不停解釋再解釋 , 吹水再吹水 , 在他離開前 , 他問我年輕女孩愛什麼禮物 , 他想買來送給一位 Pretty lady , 我對買禮物一向都無咩創意 , 心想女仔都係香水 , 化妝品 . 他又問我 Channel 好唔好 , 我見最近成日睇到 Miss Dior 廣告 , 就話 Dior maybe better . 之後 ...

我就收到依兩份禮物 , 原來佢口中既 Pretty lady 就係我 , 哈哈 . 臨走前 , 佢叫我要繼續保持 Sweet smile , 那刻超感動 ! 不是禮物貴重不貴重 , 而因為 Delay 左人地班機 , 但乘客卻感受到我係真心幫佢 . 真的 , 一句 " 多謝 " 就足夠了 . Roby , thank you very much ! Have a nice flight !

一晚 Overnight 又算得上什麼 ?

萬能小地勤

Jun 15, 2012 4:20 AMPublicPageviews 2880 8                 

當地勤當這麼久 , 也是第一次聽到這樣的事情 . " 這樣的事情 " 就是有看東方報紙都知道 , 小妹公司 " 無錢 " . 當然不是 " 無 " , 只是呀公唔放水 . 就這樣 , 我們又見報了 . 多呻兩句 , 依個世界一被人 " 唱 " 無錢 , 其他公司就紛紛向你追數 . 開始收到電話了 ... 我們個名果然特別臭 !

呀公唔放水 , 首當其衝就是一班前線地勤 .

相信好多人都知道 , 飛機不會倒行 , 只會向前行 , 無人 Push Back , 就只可以等到有人 Push Back 為此 , 同事笑言 , 可能要好似東華籌款咁合力拉飛機 !? 飛機一日唔起飛 , 就注定今晚回頭就 Delay . 雖然小妹已經轉左部門 , 但對住部電腦就總有少少慣性 Check Landing , 一見到某某航班遲 , 就忍唔住替同事擔心 . 始終心繫外面 , 如果唔係返工時間長成咁 , 我都唔會走 , 因為我係堅鐘意做 Airside .

依兩晚 , 因為回頭 Dealy , 加等 Delay 客 , 所以就 Delay 到零晨 . 基本上 , 無曬商務客 , 我就走得 . 其實公司 Delay 已令乘客習慣 , 佢地好少會係 Lounge 嘈 , 當然 , 依兩日都有少少客嘈過 , 不過 , 自問面對二百幾客都攪得店 , 區區幾個客又點會難到小妹 ? 連 Part 住我既 In-charge 都話 " 你好勁 " . 離題少少先 , 大家可能會覺得奇怪 , 小妹幾時做左散仔 , 非也 ! 我人工 , Title 都無變 , 只因係依個部門我係新人 , 所以 Part 住其他同事時 , 我都只係做散仔工作 . 要再過多幾個月 , 我先會做返 In-charge 既野 . 講真 , 依個部門無論你係大又好 , 細又好 , 做既野都係一樣 , 只不過大既就要打多份 Weekly Report . 我個人覺得 , 依到 In-charge 既能力的確唔及上面既睇機 , 做睇機既基本上好多野都要做 , 好似萬能咁 . 困境係會令人成長 , 被客小得多 , 對客同吹水自然都勁好多啦 .

相反 , 依到 Delay , serve 幾個客 only ! 基本上佢地食得飽 , 有位坐 , 我地都只係陪坐 , 等到佢地走 , 我地就可以關門大吉 . 樓上同事呢 ? Delay 面對被客圍 , 但相信佢地已經唔將被客圍當一件大不了既事 , 反正無一日唔洗被客小 . 最令我驚訝的是 !!! 因為飛機無人做清潔 , 同事們要做埋 !!! 堅做 , 洗厠所 , 執垃圾 , 仲要被班空中大小姐點黎點去做清潔 , 大家同一間公司 , 同一個部門 , 要被客鬧必要忍 , 但要受班空中小姐氣 , 點忍 ? 機長仲好意思話唔想再見到我地班地勤係飛機到 , 要同事企係機門口 ! 哈 ... 咩道理 ?

公司唔比錢清潔公司 , 無人做清潔 , 地勤為令航班準時 , 亦偉大咁做埋 , 只希望乘客可以順利起飛 , 亦希望可以有下班時間 , 回家洗個臉 ! 空中大小姐 , 你們全是高高在上 , 你們要 Crew Rest , 你們有 無腦機長 Support . 地勤 , 就被你們踩係腳下 , Delay 不是我們的錯 , 你要我班同事入飛機向客 Say Sorry , 你地就只會說 " 問地勤 " . 公司無錢比清潔 , 架機你地要用 , 我地就要幫你地班人做埋清潔 , 不如出埋你份糧啦 !

好想講一句 , 有無人聽過地勤要由 Check-in 做到接機 , 接完機做埋機上清潔 , 再做埋 Departure 先叫完成 ? 不如我地班地勤做埋空姐個份 , 飛埋啦 , 一條龍服務 !! 雖然 , 我已經唔洗再咁慘 , 但我不能不說一句 " 同事們 , 你們真係能屈能伸 , 係萬能既 , 我要向你地致敬 !! " 我知道有同事係飛機上喊住咁洗厠所 , 我明白 , 我地只係打份工 , 卻好似做童工咁 , 受盡折磨 , 公司請到你地 , 真係好采 ! 頂住呀 ! 有好日子黎臨就最好 , 無 , 就大家一起等遣散啦 ! 加油 ! 努力 !

地勤 , 的確是一份很不錯的工作 , 令我看到很多 , 學到很多 . 當中的辛酸也令我永遠難忘 , 想當地勤的 , 先看看我的日記吧 !
http://www.seewide.com/space-1379.html

討厭的 ID

Jun 3, 2012 11:29 AMPublicPageviews 1193 8               

ID 90 知道是什麼嗎 ? 就是一折機票的代號 . 不同公司 , 應該說是不同國籍吧 , 文化也會有不同 . 以前看到外國航空公司的職員 , 態度都是超 Nice , Standby 唔到都只是默默地離開 , 自行想辦法或等明天再來過後補 . 職員嘛 , 平機價就是有代價 . 也因為是職員嘛 , 大家不相識也算叫同事 , 對話應該很客氣 , 也明白沒機位不是同事的錯 . 外國人就是比較沒階級吧 ! 即使某某的站長 , 人家也不要什麼 VIP Service , 人家就是明白 Manpower 的可貴 , 不是呀豬呀狗都要 MAAS .

轉了部門快三星期了 , 正印貴賓發惡 , 叫你做野 , 自己也覺得應份 , 但人家有錢也懂得說一聲 " 謝謝 " , 走的時候會回應一聲 " 再見 " , 這是基本禮貌吧 ! 本公司的貴賓好多都是一個看不出是貴賓的貴賓 , 就是那種一看就知鄉下有好多田地的那種 . 他們除了說話大聲以及會把我們的食物掃光外 , 基本上沒什麼惡劣態度 , 也懂得說 " 謝謝 " . 我說過 , 乘客的一句 " 謝謝 " , 對地勤來說是何其有力 , 何其重要 .

ID , 你算什麼 ? 買張最平既經濟機票 , 一句 Company Policy 就讓你升上商務 , 基本上 , 這種人是不可以入貴族室 . 但公司就是 " 好 " , 我們入職時 , 公司叫我們申請某銀行的信用卡 , 那就可以一年五次免費入貴賓室了 . 那種人被 Upgrade 了 , 亦有那張卡 , 就當自己是貴賓 , 每次看到總想冷笑 ! 那張卡 , 全公司的同事也有 , 香港公司 Standby 的地勤也懂得禮貌 , 因為大家的確是同事 . 其餘的 ID 包括機長 , 公司合作伙伴 , 外站的 " 同事 " , Office 的人以及某總的親朋好友 , 應該是他家的司機也比你高級 , 小心說話 .

某位機長 , 穿著機長制服 , 沒有登機證 , 持有信用卡 , 就強行想到貴賓室 , 仲問我點解唔得 , 枉你問得出 . 解釋完就問我要經理名 , 攪笑 . 唔得就係唔得 , 你自己無睇清楚信用卡守則咩 ? 好似以為得佢有個張卡咁 . 我都忍唔住講 , 全機場同事都有 , 咁係唔係全部人唔 Travel 都可以入黎玩 ? 我間房有幾大 , 係唔係叫正印貴賓死出去比個空位你休息 ? 機長 , 你真係覺得自己高人一等 ? 問我攞經理名係打算投訴嗎 ? 哈哈 ...

某天有兩位拿這種信用卡的 " 同事 " 內進 , 直行直入 , 並後加一句 " 我放底野先 ! " 正印客都知要出示貴賓卡先可以入內 , 你呢 ? 又是免費信用卡 , 仲要係香港 Office 同事 . 用信用卡入房 , 有好多野要跟 , 我完成所有程序後 , 還卡比這兩位人兄 , " X 先生 " , 佢好意思更正我 , 叫佢 " X 總 " , 問返同事 , 佢都唔知佢係邊個 , 總之一定唔係大粒野 , 不過高級過我地就叫自己做 " 呀總 " .

真係好想知道上面點諗野 ? 咩總咩總 , 一堆總 , 日日幾十廿個呀豬呀狗 VIP , 間房又唔係大 , 同事又唔係多 , 依間公司原來看重 ID 多過看重 D 客 , 奇怪 . 但要去習慣 ...  

落更了 ...

May 22, 2012 10:52 AMPublicPageviews 975 3               

來了貴賓室已經一個星期 , 四日的培訓早已完結 . 感覺是比想像中的簡單 , 無它 , 什麼都不懂的我 , 根本不知道什麼時候要做什麼 , 也不知道有什麼事要特別緊張 . 就是不懂 , 才覺得沒什麼大不了 , 哈哈 !

在機場工作這麼久 , 第一次比乘客叫 " 服務生 " ... 難怪 , 我主要工作是上餐 , 收餐 , 的確跟一個侍應差不多 . 其實不太需要用腦 , 空閒時亦可坐下來做下文件工作 , 對比外面最好做的清 Q , 還要來得輕鬆 !

貴賓室的同事說 , 其實 Delay 時 , 的確超難做 . 暫時沒感受到 , 可能 30 個商務客總有一半要面 , 不會太大吵大鬧 , 不會出手打人 , 不會一群人坐在地上大叫 " 1 , 2 , 3 , 賠償 ! " , 不會跟你說 , 不上機 , 不下機這類廢話 .

昨天 , 有一位貴賓問了 Senior 同事一個問題 , 航班 Delay 半小時 , 她知道還會再 Delay 嗎 ? 她在上海會有轉機 , 我們會怎樣安排 ? 同事不知道答了她什麼 , 後來貴賓是想 Cancel Flight .

小妹跟 Senior 同事說 , 我去看看 . 貴賓原來八點多會在上海再轉機 , 她擔心航班再遲會影響她下一段行程 , 想改坐別的航班去北京 . 小妹回答說 , 飛機只是遲飛半小時 , 一般來說半小時的 Delay , 飛機是可以追回時間的 , 所以不用太擔心 , 再加上飛機還有兩分鐘就會降落香港 , 二十分鐘的清潔過後 , 就會開始登機 . 之後再問貴賓有無行李寄過 , 她說有一件 , 問我要不要改掛到上海再拿比較好 . 小妹工式化地說 , 不用改 , 改到上海更麻煩 , 到步本可馬上轉機趕閘口 , 假如在上海拿行李 , 又要重新過關等行李再寄 , 不是更麻煩嗎 ? 貴賓想了想也認同小妹的說法 .

但貴賓還是擔心趕不及 , 小妹就建議她到閘口跟同事說一聲 , 叫航班主管 Send 電報通知上海 , 到步後就會有同事帶她趕機 . 貴賓當然很滿意我的說法 , 不再 Cancel Flight 了 .

看來 , 做過 Check-in , Boarding Gate , 以及學過 IC , 果然唔同 , 最少對答難不到我 . 相信 , 我要努力學的是如何打 Report , 做 Survey 以及如何一手收多幾個餐 ....

第一次 Set 餐

May 16, 2012 11:36 AMPublicPageviews 1087 1                   

我工作的地方由整個客運大樓轉到其中一間細房 . 我只有四天時間去學習 , 2 天早 , 2 天夜 . 我除了要學習這裡的運作外 , 還要接手一堆每天 , 每星期以及每月的 Report . Check E-mail , 寫 Log Book , 訂貨 , Check Stock , 清潔 , 上餐 , 收餐 , 服務櫃檯 , 招呼貴賓 ... 一堆一堆鎖事要做 . 不能說難 , 只是繁瑣而已 . 我很努力去記去學去問 , 帶領我的同事亦比想像中易相處 . 短短兩天 , 我已衷心欣賞她 , 她是少數的盡責又勤快的人 , 最重要是 - 比小妹年輕很多 , 只有廿十出頭 ! 小妹在此行打滾了一段日子 , 人也算看得準 , 現今年頭 , 廿歲出頭的已很少會如此勤力 .

她的確是一個好師傅 , 教得很詳細 , 只是小妹吸收能力有限 , 第一天看她做了一次 , 第二天就決定自己來一次 , 雖然預左自己實會做錯 , 但當真的做錯時 , 的確有點過意不去 , 白費人家心機 . 師傅仔安慰我說 , 我已做得很不錯 , 只是放漏了一碟合桃以及用錯了一隻碟 . 上面那張相是其中一部份 , 還有甜品及主餐 . 一堆碟 , 一堆餐具 , 擺位用途方向全要記 . 不渴酒的小妹亦要即時記住八種酒名 , 各式茶包 , 咖啡機如何使用 ... 太多太多了 , 不能盡說 .

這令我想起之前做 Receptionist 時的情況 , 當時 , 我用了兩星期才開始做熟 , 始終當時教我的同事也只是新人 , 有很多東西都不知道 . 後期要靠自己看 , 一有時間要開其他 File 去學前人如何做 , 我的確有自學能力 , 但要有時間去自學才行 , 始終做 Receptionist 時 , 客人不多 . 但在這裡 , 一個早上可以有 60 幾個客 ... 不過 , 我會給自己時間去適應 , 三個月吧 ! 相信摸熟了後 , 我也有能力同一時間應付各種問題 .

說真 , 這兩天過得很充實 , 也突然覺得有 Boarding Gate In-charge , Rostering 以及 Duty Desk 經驗的我 , 在師傅仔眼中的確比新人易教 . 當師傅仔問我看得懂公司的 Flight Movement 時 . 我的答案是 , 這張 Flight Movement 平日是由我負責打入 Excel 再 Send 出黎的 . 當師傅仔打算教我收錢時 , 我卻自己寫好了 MCO . 她也說 , 我的優勢時我對 System 及這個機場閘口的 Location 很熟 , 對閘口運作亦很清楚 , 所以跟客人的對話亦很不錯 , 很有說服力 , 我真的有咁好嗎 ??

不過 , 都係個句 , 我會努力 , 盡力去做 , 自己做多些 , 早日上手 , 其餘的 Report 什麼的 , 慢慢再學好了 .